Hain sarbasta agr che raaz meray
Sitaray hain magar ghamaz meray
Hawa ki betiyan aik insan ki hasiyat se zindagi ki kisi bhi khushi ki utni he mustahiq hain jitna k koi mard...Zindagi k safar main kamyabiyon ki tamanai wo bhi utni he hoti hay ...jitna k koi mard.....
Zindagi main is zalim duniya main hawa ki beti ka ye haq tasleem kia he nahi jata...aur mardon k is maushray main kahin kam aur kahin ziada hawa ki beti ko us k her haq say mahroom ker k mard nay apni zalimana soch ka ghulam bana lia hay....Aur us ghulami se inkar pe aurat ko moat tak ki saaza bhi suna di jati hay....
Mardon k is maushray main SUBHA ka bhool sham ko ajaye tou usay bhoola nahi kehtay....kai jaga perha ye sub...per muddat aur tadad nahi batai gai kahin bhi .... kyoon k wo is jangle k qanoon ka badshah bhi hay aur shair bhi.....usko farq nahi perta ...
Sab uski nazar ka kamal hay... mitti ko sona samjhay tou SONA ban jati hay.... Sonay ko mitti janay tou Sona mitti ban jata hay... usko bewafai jaiz hay.... balkay apni raah may hail her sheh ka qatl bhi ...
Is maushray main Mard zaat duniya ki sub say kamzoor sheh hain .... jo apni arzoo'n ki takmeel k liye kabhi riwajon ka sahara lay ker ...kabhi gairat ki aar lay ker AIK KAMZOOR SI AURAT ko apni dhaal bana ker us ka istimal kerta hay....
Hawa ki beti .......
Ki taqdeer........
Na badli hay......
Na badal sakay ge......
ab jo kiye ho data aisa na kijio
Aglay janam mai mohe bitya na kijio