Jisko jitna moqa mila wohi noch noch kha gaya mujhko...meri apni soch...meri apni marzi....meri pasand napasand...Hatah keh meri he zindagi pay mera bus nahi chalta....Zindagi k her mor per pabandiyon aur zanjeeron se jakra gaya mera wajood aur meri rooh ko taar taar ker dia gaya....
Mera qasoor kia tha?
Wafa, Khaloos, Sachai....
Per meray irdgird munafqat k pairokaar thay aur apni zaat ki parustish kernay walay onchay lambay dekhnay walay....bonay log...
Log kuch bhi kahain per maine to yehi dekha hay k jab Allah hamain apnay se qareeb kerna chahta hay na to duniya hamain dhutkarne lagti hay aur hum dikhaway ki mohabat aur mohabat k jhoote dawaydaron ko pehchan ker Allah ki beloos mohabat ki qadr jaan jate hain....Aur RAB k qareeb ho jate hain k jab her koi hamain chor deta hay to tb bhi mera RAB nahi chorta....
Meri halat us tissue paper ki manind hay jo her gandgi saaf kernay k liye istimal hota hay...jab tissue paper apnay ander sb jazb ker laita hay....to wo khud raiza raiza ho jata hay aur phaink dia jata hay....Main bhi phaink di gai thi istimal ker k....
Aik jaga perha tha k Jab Allah meherban hota hay na to wohi log jo rukawat bnty hain wohi waseela ban jate hain....
Kia shaan hay mere MAULA ki....
Ae RAB mera bhi waseela bna de...
Meri naya bhi paar laga de....Ameen Sum Ameen
Fehmida Chaudhary
5/5/2016