Hum jesay dhutkaray howe, Kam naseeb logon ko moat bhi qabool nahi kerti wo bhi ugaal deti Hy.. Moat k darwaze pay dastak de de k loat k Zindagi ki qaid main wapis anay ka safar goh k qabil e qabol nahi hota per Zindagi k hathon apni hasti ka zillat bhara safar jaari rakhna bohat ziada mushkil lgta Hy.
Zindagi ka ye safar itna kath'in, khaar'daar kyoon hota Hy? Aik taraf Zindagi wehshat Hy tou moat dehshat? Dono main see ziada aziatnaak Kya Hy...Zindagi see bezaar log moat ko galay lagana chahtey Hain tou moat ko ata dekhne wale log Zindagi ki umeed lgaye bethay hotay Hain. Shayad hasil see ziada hum la'hasil ki tamana main bhataktay Hain. Ye dar dar bhatakna hmain faqeer bana deta Hy. Aur faqeer to be'niaz hota hy, wo di ki dhaak dhaak ki laey per raqs e bismal krta Allah Hoo ki sada lagata alag he duniya ka baasi bn jata Hy, jahan Zindagi aur moat jesi cheizain usay mutasir nahi kerti. Wo fana aur baqah ki hadood ki duniya see itna door nikal jata Hy k pechay see aati awazain uski sama'at see ojhal ho jati hain.
Written by Fehmida Chaudhary as on 12 September 2018