Soch Ka Zavia

Zindagi may aik bat jo mae nay mehsoos ki wo ye k logon ko apnay aap say bohat mohabat hoti hay..wo jitna khud ko preferences daitay hain kisi aur ko nahi....Ajab sa ahsas hota hay mae un sub jaisi kyoon nahi hon... Mujhay to apnay ilawa sub say pyar hay...mae kyoon aisi hon..khud ka ahtasab he khatum nahi hota...24 hrs adalat lagi rehti hay...jis mae ....khud he mae judge hoti hon...khud he mujrim...khud he wakeel hoti hon...Faisla hamaisha meray against he nikalta hay... shayad meri zaat may koi aisi kami hay jo mujhay bechain rakhti hay...Na qarar ata hay...Na sakoon ata hay...Na he zindagi say pyar hota hay na he nafrat ka ahsas hota hay...Na he kuch panay ki umang hay na he kuch khonay ka hosla hota hay... Ik ajab si beqarari si hay jo mujhay khai jati hay..ander he ander...deemak ki terha..shayad ab sirf ik sancha sa bacha hay ...jo deekhnay mae thoos hay per andar say deemak zada...ghum ki deemak nay isay andar he andar chaat k khatum sa ker dia hay...ik khokhala sa waj...

Insan apni her khawahish ki takmeel chahta hay..Agar kisi wajah say koi kawahish tishna e takmeel reh jati hay tou phir wo sari umr afsos kerta rehta hay..magar is khawahish ki takmeel ka marhala ata he nahi..Ye baat mae janti thi...is liey shuru say he ye faisla kerlia tha k na koi khawahish karonge na he inki takmeel k khawab dekhon ge..Basa auqat ye bhi hota hay k wohi kuch ho jata hay jo insan ki khawahish hoti hay.. Zindagi mae bari bari khushyan ki tamana kernay wala tishna reh jata hay..ye suna tha...per choti choti baton me panah dhoondnay wala insan bhi tishna he rehta hay. ye na pata tha.. Kabhi apko khud he pata nahi hota k ap kia chahtay ho..kyoon k shayad ap khud apnay hotay he nahi...apnay ap ko duniya ki sub say haqeer cheiz samajh ker khud apnay aap say he sari umr budlay laitay rehtay hain..Dosron per reham kha laitay hain..apnay ap ko is qabil bhi nahi samajhtay... Fehmida Chaudhary

Agar koi naraz ho jaye ..Baat biger jaye ya koi dost, koi sahaili roth jaye to usay mana laina asan hota hay. Kabhi maufi mang ker ...kabhi pyar k do lafz bol ker...kabhi sharmindagi k anso baha ker.. Laikin ye TAQDEER bari zalim hoti hay ... Bohat kharab hoti hay.... Isay mana laina meray he bas mae nahi .... Kisi k bhi bas mae nahi hay .... Ye jab naraz hoti hay to phir roth ker he beth jati hay... koi minat ... koi simajat .. kisi bhi qism ki ... koi bhi tullafi isay mana nahi sakti... Bari sakht dil hoti hay... Isper jaisay koi bhi bat asar he nahi kerti... Kitni zalim ho tum to... Today poetry as on 18 March 2011 Ik taqdeer k hathon nay mujhsay khaila bhi bohat hay... Ik bheer mae rehti hon per dil akaila bhi bohat hay... Mae to kuch nahi kehti thi ..kisi ko.. aksar chup he rehti thi... Per her shaks nay meray zakhm ko kuraida bhi bohat hay... Youn kab tak roz mar mar ker jina paray ga mujhko... Jan apni lainay ko ye dil ajj kal amm-...

Kehtay hain jab ishq ho jaye to insan kahin ka nahi rehta...Per jab ALLAH say pyar ho to us insan apnay ap ko bhool ker subka ho jata hay...matlab wo ALLAH ko razi kernay k liye her wo kam kerta hay jo ALLAH ki nazar mae usko acha sabit karay...Allah humse 70 maa'on jaisay pyar kerta hay to wo kyon hamain jaza nahi day ga...aik chotay say chotay amal ki jaza hay...Kisi rastay per say kailay ka chilka (banana peel) utha ker side per kernay ka he itna sawab hay k bayan nahi kia ja sukta... Mazhab say pyar insan ko bulandiyon ki taraf lay jata hay...wo insan ko insaniat ki miraj per poncha daita hay..usay shaitan bannay nahi deta...Log apnay mazhab say pyar ka izhar gair mazhab k logon per tanqeed ker k   show kertay hain...jab k unhain ye nahi pata k hamaray pyary mazhab mae kisi dosray mazahib ko bura kehnay ka aur unper tanqeed kernay ka gunnah bataya gaya hay...kisi ko sachai aur achai k rastay per chalanay k liye kisi qism k daraway ki zaroorat nahi hoti...Apni achai..mazhab ki...

Kisi bhi shakhs ki zehni pasti ka andaza is bat say lagaya ja sukta hay k uski khushi ka sabab ye hay k wo kisi ko mukhtalif tareeqon say tang ker k apni khushi ka jawaz paida kerta ho..