Skip to main content

Lost Soul........

By Unknown
Zindagi may aik bat jo mae nay mehsoos ki wo ye k logon ko apnay aap say bohat mohabat hoti hay..wo jitna khud ko preferences daitay hain kisi aur ko nahi....Ajab sa ahsas hota hay mae un sub jaisi kyoon nahi hon...
Mujhay to apnay ilawa sub say pyar hay...mae kyoon aisi hon..khud ka ahtasab he khatum nahi hota...24 hrs adalat lagi rehti hay...jis mae ....khud he mae judge hoti hon...khud he mujrim...khud he wakeel hoti hon...Faisla hamaisha meray against he nikalta hay... shayad meri zaat may koi aisi kami hay jo mujhay bechain rakhti hay...Na qarar ata hay...Na sakoon ata hay...Na he zindagi say pyar hota hay na he nafrat ka ahsas hota hay...Na he kuch panay ki umang hay na he kuch khonay ka hosla hota hay...
Ik ajab si beqarari si hay jo mujhay khai jati hay..ander he ander...deemak ki terha..shayad ab sirf ik sancha sa bacha hay ...jo deekhnay mae thoos hay per andar say deemak zada...ghum ki deemak nay isay andar he andar chaat k khatum sa ker dia hay...ik khokhala sa wajood...jo na to HONAY mae shamil hay aur na he NA HONAY may...
Hum to un logon mae say hain jinhain moat bhi bin bulay qabool nahi kerti..ik tamasha sa bana ker rukh dia hay mera khud mae nay he ...itni nafrat to kisi dushman say nahi ki..jitni khud say hoti hay....

Mae kia thi....
Kia ban gai hon..

Ik ajab he rang may...
rang gai hon...

Shayad teri kisi
Aaah ka asar hay
K
mae zinda to hon per
andar say
shayad mar gai hon...


Sans laiti hon
to youn mehsoos hota hay...
Zehrili hawaon may sans lay ker
khud bhi zehrili ban gai hon

Thuk gai hon khud
apni lash ko
khandhay per uthai...

Ab to ker do dafan
Dal do mitti
K shayad mujhay qarar ajaye...



Fehmida Chaudhary


Comments

Post a Comment

Popular posts from this blog

Bolo na....

By
Akser aisa kyoon hota hy k jin khushyon ki hum tamana krte hain wo milne ka time jab aata hy to tishnigi berhne ki bajaye...hum khud ko mehsoosat se aari mehsos krte hain...Kis qadr pather ho jata hy insan pathron k sheher me reh k...Dekha gaya hy k jo log ajj behiss ya pather hojate hain wo kabhi bht he ziada hassass howa krty thay...apnay se ziada unko dosron ki perwa howa krti thi... Ye duniya aisa kr deti hy aisa kabhi socha bhi na tha...yahan rishte se ziyada paise se pyar kia jata hy....khaloos se ziada , matlab se mila jata hy...sach se ziada, jhoot per aetibaar kia jata hy... Tou kia bura krti thi main k maine in sb se dur rakha tha khud ko...kia bura kia tha k tmne mujhy mere tanhai k taj mehal se la kr is duniya k zandaan me la k khara ker dia...yehi dosti thi, yehi wafa thi, yehi pyar tha tmhara??? Bolo na....??? Fehmida Chaudhary 16 June 2014
Read more

Aurat aur Sabr.....

By Unknown
Aurat jis may Rab nay bardash aur sabr ka madah her aik say ziada rakha hay..Bazahir nazuk nazar anay wali ye sinf e nazuk derhaqiqat bohat bahadur hoti hay...Karay say karay imtihan main apnay apko mazboot bana ker her had se guzar jati hay...per kisi ko nahi maloom hota k ye bazahir bahadur nazar anay wali....ander say kitni darpook aur kamzoor hay... Hamaray mazhab Islam nay aurat ko jo rutba dia hay wo kisi mazhab main nahi .... per ye society k thaikaidar Mazhab ki aar main aurat ka ahtisaal kertay nahi thaktay... Jab aurat sabr aur bardast ki tamam manzilain teh ker lay aur phir usko chup lag jaye tou uska matalab hay k wo thak zaroor gai hay magar apnay RAB per us nay maumla chore dia hay...aur wo RAB tou munsif hay aur insaf kernay wala hay...Kisi bhi aurat ki khamoshi k peechay kia kurb palta hay ye koi aurat he jan sakti hay....Ye khamoshi aik aisa jazeera hota hay jahan roz atish fishan phattay hain....laway ubaltay hain magar samander jaisa zarf rakhnay wali wo sinf e n...
Read more

Shirk...

By
 Main jo ye kehti hun keh mjhy mairay marnay k baad be-qutba qabr main dafnaya jaye. Koi nishani ,koi mansaab, koi hawala, tehreer na kiya jaye. Na he koi istaa'ara ho aur na he koi ishara jo yahan mere dafan hone ki kisi torr b nishandahi kry. Nahi...iski wajah kisi se narazi ya nafrat ka sabab bilkul bhi nhi. Suna hy marney k baad aap sub k pyarry ho jatay ho. Wese kitni ajeeb baat hy na ye baat hmay kitni dair se pta chalti hy k Allah ko pyare ho ker he hum sub k pyare bnty hain. Mujhy ye dar tha k " mri duaon mai asr hy" ki khaber agr kuch laghir maloomat aur be-aqeeday k logon ko hoi tou mere baad meri qabr ko mazar na bna dia jaye. Jahan log dhaggay bandhain, nangay pair chal ker aain. Cherhaway cherhain , dhaamal dalain aur manatain mangain. Maine us Rb se hamaisha manga. Usnemjhy us waqt suna jab main akailay thi. Usne mjhy us wat sahara diya jab main besahara thi. Usne mjhy tawakul aur emanh se nawaza tou kyoon krr mai b uski rehmaton ki munkir bn jaon. Main chah...
Read more