Skip to main content

Chand aur Tum....

By Unknown
Pehlay main chat say pehron batain kerti thi chat k ik makhsoos konay main beth ker....kabhi hans ker kabhi roo ker...per phir janay chand ko kia howa...main jab us say batain kerti wo chup jata kabhi badlon ki oat main kabhi aasman pay sufaid bikhri roe k galon main... main tarap uthti k mera wahid dost meri kisi bat pe ab pehlay ki terha tawajoo deta he nahi.....uski is berukhi ka sadma jatey jatey chala he gaya ....per meri Chand se mohabat kam nahi howi....main ab bhi us ko usi pyar se usi lagan se dekhti hon jaisay us k badalnay se pehlay .... meray zehan k ik goshay main ye bat mehfooz hay k meray dukh dard k lamhat ka raaz dan raha hay wo ... aur main kabhi kisi ka ahsan nahi bholti... chaheye wo soi jitna kyoon na ho... meri zidangi bemole si hay..ye hamaisha apnay ap ko tarazo k dosray palray main neecha pati hay...aur dosray ko oncha...meray napnay ka paimana shayad fault zada hay...per iska koi cure ab hay he nahi......main khud ko badal he nahi sakti....shayad meri kafiat meri sochain meray khoon main siraeyut ker chuki hay aur jism ki ik ik rag ik ik jar main phail chuki hay...

Raat main nay bohat takleef main guzari...taraptay bulaktay... bohat he aziat main... mujhay tumhari zaroorat thi...per hamaisha ki terha Tum manzar se gaib thay... ye meri kismat hay jab mujhay kisi ki zaroorat perti hay Lakh buland o bang daway kernay walay meray ird gird mojood he nahi hotay...Main hamaisha ki terha tanha he apna bar uthati hon... aur phir meri sehmi sehmi si zaat k parukhchay say ur jatay hain ... apni zaat k in tukhron ko ik lamba arsa lagta hay mujhay samaitnay main ... aur dair bhi nahi lagti in ko idher udhar bikhar janay main... phir naye siray say apni kirchiyan samait'ti hon khud he.... zakhmi wajood ki takleef aur berh jati hay kirchiyan uthanay main hath laho lohan tou hotay he hain...dil bhi zaar zaar hota hay apni ARZAAN zaat ki ye halat dekh ker...

Tum nay bhi chand ka chalan apna lia...kia tum bhi chand ho gai.......

Popular posts from this blog

Bolo na....

By
Akser aisa kyoon hota hy k jin khushyon ki hum tamana krte hain wo milne ka time jab aata hy to tishnigi berhne ki bajaye...hum khud ko mehsoosat se aari mehsos krte hain...Kis qadr pather ho jata hy insan pathron k sheher me reh k...Dekha gaya hy k jo log ajj behiss ya pather hojate hain wo kabhi bht he ziada hassass howa krty thay...apnay se ziada unko dosron ki perwa howa krti thi... Ye duniya aisa kr deti hy aisa kabhi socha bhi na tha...yahan rishte se ziyada paise se pyar kia jata hy....khaloos se ziada , matlab se mila jata hy...sach se ziada, jhoot per aetibaar kia jata hy... Tou kia bura krti thi main k maine in sb se dur rakha tha khud ko...kia bura kia tha k tmne mujhy mere tanhai k taj mehal se la kr is duniya k zandaan me la k khara ker dia...yehi dosti thi, yehi wafa thi, yehi pyar tha tmhara??? Bolo na....??? Fehmida Chaudhary 16 June 2014
Read more

Insan aur farishtay....

By Unknown
Zindagi may achay aur buray do tarah k rastay hain jin k baray may hamain hamara mazhab hamara culture aur hamaray mazhabi rehnuma aur deegar resources batatay hain....... Fariston ka kam hay ALLAH ki ibadat kerna...achay kam kerna.......unki task sirf yehi hay.. Shaitan ki koshish hay k wo gumrah karay aur koi naik kam duniya may na honay day... Insan jisay ashraf ul makhlooqat kaha gaya hay....us ko bohat baray imtihan may dala gaya hay.... Do rastay hain option may us k pass... ik achai ka rasta jo bakhshish ka rasta bhi hay Dosra burai ka rasta jo tabahi aur dozak ki aag ki taraf lay jata hay... bohat baray imtihan may dala gaya hain insan ko......... Jab tak wo achai aur burai ka faisla kerta hay umr ki naqdi khatum honay ko ajati hay... Insan aur farishtay may bohat farq hota hay.....per aam tore per dekha ye jata hay k ... apki aik burai ap k saray achay kamon per pani phair daiti hay.......Ajj kal achai aur burai ka faisla maushray k so called thaikaidaron nay apnay hathon may ...
Read more

Mohabat kia hay ????

By Unknown
Mohabat kia hay...her shaks ka apna apna nazarya hay...aur alag alag nazarya hona bhi chaheye kyooon k jab insan dekhnay may aik say nahi hain tou her insan ki soch aik si kaisay ho sakti hay....Mohabat ka aik asool ye bhi hay k jab kisi say mohabat ki jaye tou us say mutalik her cheiz ko apnay pyar k hisar mae shamil kerna perta hay...kyoon k apnay mehboob say mutalik her cheiz say pyar ap per wajib ho jata hay...Mera mehboob mera RAB hay...mujhay us say mutaliq her cheiz say pyar hay...uski maklooq say bhi ...chahay wo murd ho k aurat...jins ka is may kuch laina daina nahi...Mujhay kisi ki koi bat buri nahi lagti...K ...Jis ki khatir mae ye sub bardash ker rahi hon...wo mujh say laparwa kaisay ho sukta hay... Zalim duniya k apnay nazriyat hain...unki nazar may ikhlaq, ahsas, izzat, compromise,koi ma'ani nahi rukhta....wo to isay apki kamzoori gardantay hain... Shikway shikayat kerna kamzor insan ki nishani hay...Khas tore per jab ap kisi k sath acha ker k return may achay ki um...
1 comment
Read more