Skip to main content

Naa'soor

Youn tou zindagi main kai baar hmari rooh zakhmi b hoti hy aur taar taar bhi....hm hr mumkin koshish krte hain k in zakhmon ko marham mil jaye aur rooh ko sakoon mile...magar duniya ki koi dawa, koi marham asr nhi krta...aur ye zakhm hmari he aagosh main hmary zer e saaya panapta rehta hy...aur guzarta waqt isay naa'soor me badal deta hy...aur ye na jeenay deta hy aur na marne deta hy...bsss umr bhar ristaah rehta hy....laailaj jo tehra....

Jism pe lagay zakhm qabil e ilaj b hotay hain aur qabil e bardasht nhi...pr rooh k wo zakhm jo kisi k jhoot, faraib se rooh ko ghayaal kerdain wo naa'soor bn k jaan le k he jaan chortey hain...aise nhi...

Momi bolay chali jarhi thi...aur main hairat se usko takay jarahi thi...

Wo bht dino bd mujh say milnay aai thi...dil ka bojh halka krny...

Maine kaha momi tm betho main chai bna k lai....usne hath berha k mjhy jane se rokty howe kaha...nhi aap kahin na jain bs meri sunain...

Uski ankhon main nami dekh k mene wahin bethna munasib samjha...chalo bolo kia btana chah rhi ho...btao...

Kia dil me jo mohabat ka khana ya hissa hota hy jahan ik he shaks ki gunjaish hoti hy...usme hm aik waqt me aik se ziada ko bsa sakte hain....??? Nhi naa??? Jb dil ka basi dil se bahr niklega to he koi dosra usme dakhlay ki koshish kr sakta hy na...jb k wo ander wala shakhs bhi seena taan k shan se barajaman hy...

Puranay kiraidaar ko bhi to malik makan ye sahulaat deta hy na k wo raij e zamana kiraye se kam me rihaish ikhtiar kr sakta hy...tou wo jo bina kiraye k mere dil ka malik bn k betha hy...us se main kesay kehdon k makan khali ker day...

Pta nhi momi kia bolay jarhi thi...meri to kuch samaj nhi araha tha...

Maine jaan churatay hoey muskura k kaha...momi tm usay final notice dedo k apne aap ko ahl sabit kry tmhare dil ki basti me rehne k liye....warna tou khaali krdy...

Momi yak dum khari howi aur brbaratay hoe boli...
Dil Qurqi k bd main notice dene k qabil kb rahi hun...

Main usay darwaze se jata howa dekhti reh gai...

Written by Fehmida Chaudhary
24th December 2016

Popular posts from this blog

Bolo na....

Akser aisa kyoon hota hy k jin khushyon ki hum tamana krte hain wo milne ka time jab aata hy to tishnigi berhne ki bajaye...hum khud ko mehsoosat se aari mehsos krte hain...Kis qadr pather ho jata hy insan pathron k sheher me reh k...Dekha gaya hy k jo log ajj behiss ya pather hojate hain wo kabhi bht he ziada hassass howa krty thay...apnay se ziada unko dosron ki perwa howa krti thi... Ye duniya aisa kr deti hy aisa kabhi socha bhi na tha...yahan rishte se ziyada paise se pyar kia jata hy....khaloos se ziada , matlab se mila jata hy...sach se ziada, jhoot per aetibaar kia jata hy... Tou kia bura krti thi main k maine in sb se dur rakha tha khud ko...kia bura kia tha k tmne mujhy mere tanhai k taj mehal se la kr is duniya k zandaan me la k khara ker dia...yehi dosti thi, yehi wafa thi, yehi pyar tha tmhara??? Bolo na....??? Fehmida Chaudhary 16 June 2014

Insan aur farishtay....

Zindagi may achay aur buray do tarah k rastay hain jin k baray may hamain hamara mazhab hamara culture aur hamaray mazhabi rehnuma aur deegar resources batatay hain....... Fariston ka kam hay ALLAH ki ibadat kerna...achay kam kerna.......unki task sirf yehi hay.. Shaitan ki koshish hay k wo gumrah karay aur koi naik kam duniya may na honay day... Insan jisay ashraf ul makhlooqat kaha gaya hay....us ko bohat baray imtihan may dala gaya hay.... Do rastay hain option may us k pass... ik achai ka rasta jo bakhshish ka rasta bhi hay Dosra burai ka rasta jo tabahi aur dozak ki aag ki taraf lay jata hay... bohat baray imtihan may dala gaya hain insan ko......... Jab tak wo achai aur burai ka faisla kerta hay umr ki naqdi khatum honay ko ajati hay... Insan aur farishtay may bohat farq hota hay.....per aam tore per dekha ye jata hay k ... apki aik burai ap k saray achay kamon per pani phair daiti hay.......Ajj kal achai aur burai ka faisla maushray k so called thaikaidaron nay apnay hathon may ...

Shirk...

 Main jo ye kehti hun keh mjhy mairay marnay k baad be-qutba qabr main dafnaya jaye. Koi nishani ,koi mansaab, koi hawala, tehreer na kiya jaye. Na he koi istaa'ara ho aur na he koi ishara jo yahan mere dafan hone ki kisi torr b nishandahi kry. Nahi...iski wajah kisi se narazi ya nafrat ka sabab bilkul bhi nhi. Suna hy marney k baad aap sub k pyarry ho jatay ho. Wese kitni ajeeb baat hy na ye baat hmay kitni dair se pta chalti hy k Allah ko pyare ho ker he hum sub k pyare bnty hain. Mujhy ye dar tha k " mri duaon mai asr hy" ki khaber agr kuch laghir maloomat aur be-aqeeday k logon ko hoi tou mere baad meri qabr ko mazar na bna dia jaye. Jahan log dhaggay bandhain, nangay pair chal ker aain. Cherhaway cherhain , dhaamal dalain aur manatain mangain. Maine us Rb se hamaisha manga. Usnemjhy us waqt suna jab main akailay thi. Usne mjhy us wat sahara diya jab main besahara thi. Usne mjhy tawakul aur emanh se nawaza tou kyoon krr mai b uski rehmaton ki munkir bn jaon. Main chah...