Maine yehi suna tha k jis se mohabat ki jaye us se kabhi nafrat nhi ki ja skti.main b yehi samajhti ai abhi tak. Magar aik muddat bad ye Jana k jisko hum meherban jaan k apni zaat ki tamam tar sachaiyaan sonp detay Hain wohi hmari zaat k parukhchay ura detay Hain. Aur jab hmara yaqeen aetibar aur maan raiza raiza ho jata Hy to hmara ikhtiar hmare apnay oper see bhi khatum ho jata Hy. Hmare zehen o Dil per be'hissi ki aik dabeez teh jam jati Hy. Tamam his'siat ,tamam jazbaat is teh talay dab k munjamid ho jati hay. Munjamid mohabat wahin ki wahin dafan reh jati Hy. Behissi ki teh talay munjamid mohabat kesay nafrat main tabdeel ho sakti Hy aur log kehtay Hain mohabat nafrat main tabdeel nhi ho sakti...
Aisa bilkul ho sakta Hy magar aik feesad chance Hy . wo bhi tab jab ap k totay howay yaqeen ko,majroo aur zakhmi izzat e nafs ko koi maseeha aetibar ki Patti ker day ya misl e marham un ghamon ka madawah ker day. Per jahan masihaa her marz ka ilaj nishtar samhjay wahan zakhm kabhi mundamil nhi hotay.
Totay howey log jazbaat se aari ho kr kisi jazbay ko kabhi nibha he nhi saktay mohabat ho k nafrat.
Mohabat khoon k rishton ki ho k dosti ki, ishq jesi ho k bus mohabat ho. Ye ya to hoti Hy ya phir nhi hoti. Jo log dawaah krty Hain k unki mohabat nafrat main badal gai Hy wo Zara sal apnay apko jhoti tassali aur duniya ko bharam kra rhy hotay Hain k wo us shaks ya rishtay k hisaar se nikal aye Hain jab k haqeeqat yehi Hy k wo bazahir nafrat main lipti mohabat ko zinda rakhne k liye nafrat ka dhong rachatay Hain...
Aur Jo log mohabat see nafrat ka dhong nhi krty wo mohabat ko jhatak k behisi ko muqaddar jaan k agay berh jatay Hain. Phir mohabat lakh un k qadmon main ithlaye, itraye ,manaye ya jaan lutaye unka Dil pather, ankh sakit, hont chup hojatey Hain.
Ye sb unki bachi kuchi izzat e nafs ki baqqah k liye hota Hy. Is baqqah ki hifazat unki Zindagi ka aklota mission hota Hy. Phr ass pass kuch bhi unhain mehsoos he nhi hota..
Written by Fehmida Chaudhary
Date 11th July 2018