Skip to main content

Bow-nay....(pista qad)

By Unknown
Bari bari batain kehnay walay kabhi kabhi aisi bohat si batain ker jatay hain jo un k qaul aur fail may tasadum paida ker daiti hay...aur insan ka ikhlaq aur kirdar dono he danwadol ho jata hay...Dekha jaye to hum sub apni zaat mae bow-nay he hain...bari bari batain kertay hain aur unhain keh ker bhool jatay hain...shayad mae bhi ab un logon ki siff mae shamil ho gai hon...Mujhay apna oncha lamba qad bohat chota lagnay laga hay...

Insan chota ya bara nahi hota...ye hamari zaat mae khud koi kami beshi hoti hay jo hamain log achay buray nazar atay hain...dekha jaye tou log chotay nahi hotay...ye hamari socha ka chota pan hota hay...

sawal ye hay k apni soch ko bara kaisay karain...

Soch ka wasih hona aur soch ka bara hona ......do alag alag cheizain hain...

kisi bhi bat ko mukhtalif zaviye say dekhna soch ka wasih pan hay
Aur
Soch ka bara hona...apni tamam khamiyon ko mad e nazar rukh ker apni un khamiyon ki khud ko nishan dahani kerwana aur un ko apni zaat ki roots say nikal dena he soch ka bara pan hay...

Mujhay kuch aisa kerna hay jo meri zaat k chotay qad ko buland nahi to kuch had tak oncha he ker day... k mae us RAB ki mohabat mae bohat agay jana chahti hon... Meri zaat ka khali pan mujhay cheekh cheekh k ye kehta hay k mae ye duniya tiyagh don ...

USKI (ALLAH) zaat kabhi mayoos nahi kerti ... wo to nawazta he nawazta hay...Umeedain to logon say pori nahi hotin aur hum shikwa apnay RAB say kernay lag jatay hain... wo to tab bhi nawazta hay jab hum uski pairwi nahi kertay....wo to jab bhi sunta hay hamari ....jab hum USKI nahi suntay....Wo to day day ker bholta hay hamain aur hum USKI ibadat gin gin ker kertay hain...Wo to naraz he nahi hota aur hum bat bat per us say roth ker beth jatay hain...

Meray Malik mujh per itna to karam kerday...
Mujhay meri he nazar may kuch motaber kerday...

Mera wajood hay kirchi kirchi raiza raiza...
Ger ho sakay tou ghum ko mujhper bay-asar kerday...

Andhairay hon k ujalay hon, sub aik say lagtay hain...
Mujhko he dosron k liye roshni ka mumber kerday...

Wehshat e dil hay k jati he nahi jism o jan ko chore ker...
Itna ker mujh per karam k duniya say bekhabar ker day...

Meri socha ka zavia ... meri khud kalami.... meri rehbar bhi hain ..meri sathi bhi..meri dost bhi...per shayad ye sari positivity us waqt negative ho jati hay jab mae khud ko ...khud he samajh nahi pa rahi hoti... jo khud ko samajh na paye ... wo kabhi bhi apnay sath purkhuloos kaisay ho sakta hay... aur wo khaloos tou mae dosron per luta daiti hon...khud k liye tou kuch bachta he nahi hay... shayad khokhalay log aisay he hotay hain...dosron k liye bezarar aur apnay liye ZALIM aur aziat pasand...


Fehmida Chaudahry

Comments

Post a Comment

Popular posts from this blog

Bolo na....

By
Akser aisa kyoon hota hy k jin khushyon ki hum tamana krte hain wo milne ka time jab aata hy to tishnigi berhne ki bajaye...hum khud ko mehsoosat se aari mehsos krte hain...Kis qadr pather ho jata hy insan pathron k sheher me reh k...Dekha gaya hy k jo log ajj behiss ya pather hojate hain wo kabhi bht he ziada hassass howa krty thay...apnay se ziada unko dosron ki perwa howa krti thi... Ye duniya aisa kr deti hy aisa kabhi socha bhi na tha...yahan rishte se ziyada paise se pyar kia jata hy....khaloos se ziada , matlab se mila jata hy...sach se ziada, jhoot per aetibaar kia jata hy... Tou kia bura krti thi main k maine in sb se dur rakha tha khud ko...kia bura kia tha k tmne mujhy mere tanhai k taj mehal se la kr is duniya k zandaan me la k khara ker dia...yehi dosti thi, yehi wafa thi, yehi pyar tha tmhara??? Bolo na....??? Fehmida Chaudhary 16 June 2014
Read more

Insan aur farishtay....

By Unknown
Zindagi may achay aur buray do tarah k rastay hain jin k baray may hamain hamara mazhab hamara culture aur hamaray mazhabi rehnuma aur deegar resources batatay hain....... Fariston ka kam hay ALLAH ki ibadat kerna...achay kam kerna.......unki task sirf yehi hay.. Shaitan ki koshish hay k wo gumrah karay aur koi naik kam duniya may na honay day... Insan jisay ashraf ul makhlooqat kaha gaya hay....us ko bohat baray imtihan may dala gaya hay.... Do rastay hain option may us k pass... ik achai ka rasta jo bakhshish ka rasta bhi hay Dosra burai ka rasta jo tabahi aur dozak ki aag ki taraf lay jata hay... bohat baray imtihan may dala gaya hain insan ko......... Jab tak wo achai aur burai ka faisla kerta hay umr ki naqdi khatum honay ko ajati hay... Insan aur farishtay may bohat farq hota hay.....per aam tore per dekha ye jata hay k ... apki aik burai ap k saray achay kamon per pani phair daiti hay.......Ajj kal achai aur burai ka faisla maushray k so called thaikaidaron nay apnay hathon may ...
Read more

Mohabat kia hay ????

By Unknown
Mohabat kia hay...her shaks ka apna apna nazarya hay...aur alag alag nazarya hona bhi chaheye kyooon k jab insan dekhnay may aik say nahi hain tou her insan ki soch aik si kaisay ho sakti hay....Mohabat ka aik asool ye bhi hay k jab kisi say mohabat ki jaye tou us say mutalik her cheiz ko apnay pyar k hisar mae shamil kerna perta hay...kyoon k apnay mehboob say mutalik her cheiz say pyar ap per wajib ho jata hay...Mera mehboob mera RAB hay...mujhay us say mutaliq her cheiz say pyar hay...uski maklooq say bhi ...chahay wo murd ho k aurat...jins ka is may kuch laina daina nahi...Mujhay kisi ki koi bat buri nahi lagti...K ...Jis ki khatir mae ye sub bardash ker rahi hon...wo mujh say laparwa kaisay ho sukta hay... Zalim duniya k apnay nazriyat hain...unki nazar may ikhlaq, ahsas, izzat, compromise,koi ma'ani nahi rukhta....wo to isay apki kamzoori gardantay hain... Shikway shikayat kerna kamzor insan ki nishani hay...Khas tore per jab ap kisi k sath acha ker k return may achay ki um...
1 comment
Read more