Khushyon ko nazar kaisay khati hay...???
Umeed, Na-Umeedi main kab badalti hay...???
Taron jaisi jhilmil jhilmil kerti
Diye ki terha loo daiti
Ankhon se khawab kaisay bujhtay hain...???
Chehron per phaili shafaq per
Khizan kaise apna waar kerti hay...???
Zindagi k guzray lamhon per jab kabhi bhi beth ker socha ye he nateeja dekhnay ko mila k main tasbeeh k bikhray danon ko aik aik ker k wapis proote gai kabhi kaisay ..kabhi kaisay....apni ana khud dari ko aik taraf rukh ker k in ka mohabat aur rishton k darmiyan kia laina daina.... per main galat thi....khud ko fana ker dala per hath phir bhi khalil........sub apnay apnay matlab k liye saath saath chaltay hain aur jab tak chaltay hain jab tak hum un k kisi kam k hotay hain wagarna unhain hamari zaat k honay na honay say koi farq nahi perta...Hum jin ki her bat sirf saath na choat janay k dar se bardash kertay hain seh jatay hain wo he hamain sub se pehlay chore jatay hain....
Mera aetibar raha he nahi kisi per bhi... Mujhay khauf ata hay dostiyan kernay say...Kisi say bat kernay main...Itna khauf k ab apnay ap say jo pehron batan kerti thi wo bhi kerna chore di hain k devaron k bhi kan hotay hain...
Zindagi main kuch hath na aya wo dukh apni jaga...magar...Ik jan laiwa dukh ye bhi dil ko cheer daltaq hay k Apna ap bhi kho dia main nay...Main bohat badal gai hon...Shayad itni k khud ko bhi nahi pehchan pati k YE MAIN HON....Nafrat se ho gai hain khud apnay he nam se...