Pehlay jab sochti thi bohat tab sochnay ko bhi bohat kuch hota tha...ab jab say sochna chora hay...khud ko halat k dharay per chora hay...kuch sochnay ko hota he nahi... Kon kehta hay zindagi seekhati hay....ye to bas imtihan leti hay ik zakht geer ustaad ki terha ...aur koi choice bhi nahi deti...her sawal he compulsory hota hay...aur hamain unhain na chahte howay bhi answer kerna perta hay.... Zinda rehna agercheh aik napasandeeda amal hota hay baz logon k liye lakin phir bhi jiye jatay hain...jab tak sans ki dor khud se nahi totti ya sath chorti uska... Moat bhi zaroori hay per kyoon k hum zindagi k aadi ho jatey hain to moat se ghabrate hain...halan k moat to sakoon ka aik safar hay jo zindagi k talatum zada hissay k bad sakoon ki agosh main insan ko lay leti hay...jahan aisa sakoon milta hay k insan zindagi ko bhool jata hay...per is k liye insan k shaur ki ankh ko parakh honi chaheye.... Fehmida Chaudhary 29 April 2015
Soch ka , samajh ka , ik la'matnahi Karwan.... jiski koi manzil nahi...Jiska koi thikana nahi... Demagh ki bhatti say sochon ka dhuwan nikalta hay aur phir hawa main tehleel ho jata hay... Meray dil k bukharat alfaz k qalib main......FC