Skip to main content

"Dum" ka marz...

Park ki bench pe bethi wo shayad ro rhi thi. Mujhay to aisa he lga. Tissue paper see apne umandte ansoo pochti us larki ko dekh kr maine apna rukh uski bench ki tarf mor lia. wo mujhy apni taraf aata dekh k sambhal k Beth gai. Us k baraber beth k salam kerhty maine muskura k dostana andaz me dekha to wo b muskurane ki nakam koshish krne lgi. Kia aap yahin qareeb main rehti ho? Maine baat berhai . Wo mere sawal  ko yakser nazrandaz kertay howe boli. Ap roz yahan aati hain? Haan mujhay BP cholesterol control me rukhney k like doctor ne baqaidgi see walk kerne ko kaha Hy aur..... Tum,,,, Kya tum bhi Roz aati ho? Maine tafseel see usay jawab detay howe aik aur sawal daagh dia.
Nahi main kabhi kabhi aati Hun. Mjhy sakoon milta Hy akaily yahan Beth ker. Apko pata Hy mujhy DUM ka marz Hy. Wo is'ter'rai'yaah andaaz me bejaan hansi hasssti howi boli.
Mujhay besakhta hansi aagai us k "DUM k marz" bolne pe. Dum'may ka marz hota Hy DUM ka nahi. Maine uski taseeh krne ki koshish ki. 
Nahi nahi mujhy Dum'may ka marz nhi ,,,, DUM ka he marz Hy. Dono main zameen asman ka farq Hy.
Wo bare aetimaad k saath boli thi.
Achaww... Tou agr bura na mano to mjhy farq samjha do. Maine hairat aur tajas'sus k see andaaz me us se aik aur farmaish ki.
Wo goyaaah howi.
Dum'may k marz me apko sans nhi aati. Apka dum ghut'ta hy. Ap inhailer see apna rukta sans bahal kerte ho.
DUM k marz main is k bilkul ulat hota hy . Dum seene main atak jata hy na niklta hy na teherta hy. Dil ki dharkan kbhi bohat taiz to kabhi bohat halki hojati hy per mushkil ye k rukta nahi. Is marz ki shiddat us waqt urooj per hoti hy jab ye banjer ankhain un logon ki ankhon main be'aetinai, rawaiyon main hee'tak, hmare wajood ki yakser faramoshi dekhti Hain, Jin per apne apni aik aik khawahish, aik aik khawab, apni Ana ki qurbani, yahan tak k apna hona faramosh kia hota Hy...
Shayad dosron k liye apne appko faramosh kerne ki saaza yehi Hy k Wohi hamain faramosh ker dain.
Ye DUM ka marz nizaah k aalam Jesa Hy hoo baahu.  Dum niklay to sakoon milay. Dum atakna moat Zindagi k darmiyaan Jesa Hy . Zindagi ki kashti ya to aar lagay ya paar lagay. Per Dum ka marz kabhi kisi ko na lagay.
Main uski batain sun kr
Sochne lagi shayad hum sub he apni apni jaga dum k marz me mubtila Hain.
Main bench se uth k park k khaariji darwaze ki taraf chal pari.
Written by Fehmida Chaudhary as on 7th May 2019

Popular posts from this blog

Bolo na....

Akser aisa kyoon hota hy k jin khushyon ki hum tamana krte hain wo milne ka time jab aata hy to tishnigi berhne ki bajaye...hum khud ko mehsoosat se aari mehsos krte hain...Kis qadr pather ho jata hy insan pathron k sheher me reh k...Dekha gaya hy k jo log ajj behiss ya pather hojate hain wo kabhi bht he ziada hassass howa krty thay...apnay se ziada unko dosron ki perwa howa krti thi... Ye duniya aisa kr deti hy aisa kabhi socha bhi na tha...yahan rishte se ziyada paise se pyar kia jata hy....khaloos se ziada , matlab se mila jata hy...sach se ziada, jhoot per aetibaar kia jata hy... Tou kia bura krti thi main k maine in sb se dur rakha tha khud ko...kia bura kia tha k tmne mujhy mere tanhai k taj mehal se la kr is duniya k zandaan me la k khara ker dia...yehi dosti thi, yehi wafa thi, yehi pyar tha tmhara??? Bolo na....??? Fehmida Chaudhary 16 June 2014

Insan aur farishtay....

Zindagi may achay aur buray do tarah k rastay hain jin k baray may hamain hamara mazhab hamara culture aur hamaray mazhabi rehnuma aur deegar resources batatay hain....... Fariston ka kam hay ALLAH ki ibadat kerna...achay kam kerna.......unki task sirf yehi hay.. Shaitan ki koshish hay k wo gumrah karay aur koi naik kam duniya may na honay day... Insan jisay ashraf ul makhlooqat kaha gaya hay....us ko bohat baray imtihan may dala gaya hay.... Do rastay hain option may us k pass... ik achai ka rasta jo bakhshish ka rasta bhi hay Dosra burai ka rasta jo tabahi aur dozak ki aag ki taraf lay jata hay... bohat baray imtihan may dala gaya hain insan ko......... Jab tak wo achai aur burai ka faisla kerta hay umr ki naqdi khatum honay ko ajati hay... Insan aur farishtay may bohat farq hota hay.....per aam tore per dekha ye jata hay k ... apki aik burai ap k saray achay kamon per pani phair daiti hay.......Ajj kal achai aur burai ka faisla maushray k so called thaikaidaron nay apnay hathon may ...

Bey'niazzi v/s behissi

Kya kaha...??? Main behiss hun??? Tumhain main hiss se aari lagti hun?? Wo jhunjhulaye howe andaz main chir k boli. Pehlay main hansti bolti thi to sb kehtay achi larkiyaan khamosh rehti hain. Maine kaam bolna shuru kerdia balkay youn kaho k ab zarooratun he bolti hun. Her insaan k sochnay ka andaz mukhtalif hota hy. Main kisi b behes main hissa leti to dosry ko b moqa deti bat ka. Apna apna point of view hy keh k bat khatum ker deti. Logon ko lgta main apni chalati. Phir logon k liye mene sun'na shuru ker dia. Apna point of view meray apny pass he store honay laga. Main khamosh reh k kisi ki sun k uska maan to berha sakti hun per jis bat pe dil o demagh raazi na ho. Main haan main haan nhi mila sakti.phir b koi khush na howa. Jo kaam kbhi mene kia he na ho wo b mujh pe daag dia jaye tb bhi chup... kisi ko lagta main taiz hun , kisi ko lagta upper chamber he khali hy...kisi ko janooni lgti tou kisi ko nafsiati. Main chup sunnti hun. Hansti hun khoob hansti hun.  ...