Skip to main content

Kahan hon "MAIN"....???

By Unknown
Main ik beti hon maa baap ki izzaton pay qurban ho janay wali...Un k her dukh dard main saath nibhanay wali..Un k liye pamal ho janay wali......

Main ik bewi hon  Ik tamana ka sheher jahaiz main saath lanay wali larki..In umeedon k saath k ab meri zindagi main zakhon pay marham laganay wala shah'kaar meri zindagi main agaya hay...ye sochne wali larki...
Per qismat ki siyahi tou aik he thi na muqadar bhi wohi raha.. Wo shaks bhi khilari tha us ko apnay siwa sub bura lagta tha ... Wo khud apna pujari ap tha...Hath berha ker usko ahsaas e kamtari k atha samandar say nikalte howay pata na tha k bahar ate he usne apnay mohsin ko he wapis dakhailna hay ....Aur wo khud kinaray per khara meri hansi urata raha ...kehkahay lagata raha... gungunata raha ...Main doobti rahi...Main roti rahi... Tarapti rahi...Aur phir ghar ko aag lag gai ghar k chiragh se......Maine khamoshi ko apna hamsafar bana lia...Ye naya hamsafar kabhi tou dil k konay main beth ker saray manzer dekhta rehta....aur kabhi dil ki devarain tore ker bahar anay ko beqarar ho jata...bara mushkil tha isko sambhalna...bohat mushkil.......
Shayad khamoshi bara jurm thi....RAB ki nazar main bhi.......Maine koshish he nahi ki wahwaila kernay ki......chup chap saray dard k manzar apnay ander utar liye........

Ye alag bat k roz meri zaat k sehra main ghum k badal garajte aur khoon k ansoon ki barish hoti...
Shayad main pather k nagar main pathron k saath rehte rehte pather ho chuki thi...
Aik aisa pather jis k jazbat freeze ho chukay hon..Bas kabhi kabhi ankhon se sawan ki jhari bin mausam barasti thi....

Main ik Maa hon...Tanha Maa...
Main her rishtay k farz nibhatay nibhatay khud apni bhi nahi rahi...

Ajj main ye jan laiwa iqrar kerti hon k ...Ristay natay , jazbay kuch nahi hotay....kuch bhi nahi...Sub aggraaz k bandhan hain

Rasston ki thakan to utar he jati hay...Per ROOH KI THAKAN ka kia karon main...Kahan jaon main....Kidher jaon main......

Main Khud kahin dore reh gai hon bohat dore ..Kahin kho gai hon main ....Ab kon dhonday ga mujhay ???
Mujhay to khud apna pata nahi hay ...Aur atay qadmon k nishan  tou apnay hathon se main khud he mitta aye thi...Kia mila lambhi musafat say....Aabla pai...Ruswai ....Tanhai.........

Pyar bante bante khud apnay hisaa to main alag kerna bhool he gai.....Haath khali...Dil Khali...Duniya khali...
Aur ik Mera haqeer be-wajood sawali

Fehmida Chaudhary....♥♥♥

Popular posts from this blog

Bolo na....

By
Akser aisa kyoon hota hy k jin khushyon ki hum tamana krte hain wo milne ka time jab aata hy to tishnigi berhne ki bajaye...hum khud ko mehsoosat se aari mehsos krte hain...Kis qadr pather ho jata hy insan pathron k sheher me reh k...Dekha gaya hy k jo log ajj behiss ya pather hojate hain wo kabhi bht he ziada hassass howa krty thay...apnay se ziada unko dosron ki perwa howa krti thi... Ye duniya aisa kr deti hy aisa kabhi socha bhi na tha...yahan rishte se ziyada paise se pyar kia jata hy....khaloos se ziada , matlab se mila jata hy...sach se ziada, jhoot per aetibaar kia jata hy... Tou kia bura krti thi main k maine in sb se dur rakha tha khud ko...kia bura kia tha k tmne mujhy mere tanhai k taj mehal se la kr is duniya k zandaan me la k khara ker dia...yehi dosti thi, yehi wafa thi, yehi pyar tha tmhara??? Bolo na....??? Fehmida Chaudhary 16 June 2014
Read more

Aurat aur Sabr.....

By Unknown
Aurat jis may Rab nay bardash aur sabr ka madah her aik say ziada rakha hay..Bazahir nazuk nazar anay wali ye sinf e nazuk derhaqiqat bohat bahadur hoti hay...Karay say karay imtihan main apnay apko mazboot bana ker her had se guzar jati hay...per kisi ko nahi maloom hota k ye bazahir bahadur nazar anay wali....ander say kitni darpook aur kamzoor hay... Hamaray mazhab Islam nay aurat ko jo rutba dia hay wo kisi mazhab main nahi .... per ye society k thaikaidar Mazhab ki aar main aurat ka ahtisaal kertay nahi thaktay... Jab aurat sabr aur bardast ki tamam manzilain teh ker lay aur phir usko chup lag jaye tou uska matalab hay k wo thak zaroor gai hay magar apnay RAB per us nay maumla chore dia hay...aur wo RAB tou munsif hay aur insaf kernay wala hay...Kisi bhi aurat ki khamoshi k peechay kia kurb palta hay ye koi aurat he jan sakti hay....Ye khamoshi aik aisa jazeera hota hay jahan roz atish fishan phattay hain....laway ubaltay hain magar samander jaisa zarf rakhnay wali wo sinf e n...
Read more

Shirk...

By
 Main jo ye kehti hun keh mjhy mairay marnay k baad be-qutba qabr main dafnaya jaye. Koi nishani ,koi mansaab, koi hawala, tehreer na kiya jaye. Na he koi istaa'ara ho aur na he koi ishara jo yahan mere dafan hone ki kisi torr b nishandahi kry. Nahi...iski wajah kisi se narazi ya nafrat ka sabab bilkul bhi nhi. Suna hy marney k baad aap sub k pyarry ho jatay ho. Wese kitni ajeeb baat hy na ye baat hmay kitni dair se pta chalti hy k Allah ko pyare ho ker he hum sub k pyare bnty hain. Mujhy ye dar tha k " mri duaon mai asr hy" ki khaber agr kuch laghir maloomat aur be-aqeeday k logon ko hoi tou mere baad meri qabr ko mazar na bna dia jaye. Jahan log dhaggay bandhain, nangay pair chal ker aain. Cherhaway cherhain , dhaamal dalain aur manatain mangain. Maine us Rb se hamaisha manga. Usnemjhy us waqt suna jab main akailay thi. Usne mjhy us wat sahara diya jab main besahara thi. Usne mjhy tawakul aur emanh se nawaza tou kyoon krr mai b uski rehmaton ki munkir bn jaon. Main chah...
Read more