ALLAH "ka" der
Aur
ALLAH "se" der
Main zameen asman ka farq hy. Jin logon ko Allah ka der hota hy wo aisay kamon se dor he rehtay hain jo Rab ko napasand hon. ALLAH ka der rakhnay wala insaan agr kabhi kisi galti ka murtaqib hojata hy ya phir galti kernay k qareeb hota hy tou Allah Tabarak Tallah us insan ko sarzanish kernay k liye usko azmaish main daal deta hy ya phir dil main us baat ko le k shakook o shubhaat paida ker deta hy. Ya youn keh lain k us galti ka ahsas hojata hy.
Laikin aisa isliye hota hy k Allah uski niyaat janta hy. Allah kabhi bhi apnay pyaray bandy ko raah se bhatakney nahi deta. Wo dhaanp leta hy. Ansoo ponch leta hy. Mangtey ko khaali nahi lotata.
ALLAH "SE" DARNE wale dawaay to kertay hain k wo dertay hain per phir unper jab shaitaan gaalib ajata hy tou wo insaan aisay tamam kam kerta hy jo Allah nay na kerne ka kaha hy. Duniya ki waqti chakaah'chond uski ankhain khairaah ker deti hain aur wo raah se hat jata hy aur sochta hy k duniya me zindagi to jee loun. Baad ki baad may dekhi jayegi.
Mujhay her us shakhs se der lagta hy jo "Allah ka der " nahi rakhta. "Allah se darta" hy kehta tou hy per ALLAH SE DARTA nahi hy. Yaqeen kijiye aisa insaan kuch b ker sakta hy. Kuch b. Weham se gumaan tk. Bs hum andaza ker he nahi saktay.
Maine is zindagi main ye sekha hy k burai dekh k agr ap usko dhaanp k madad kr sako tou zaror kro per wahan ruko nahi. Aur na he dobara wahan ka rukh karo.
Allah ka der wala insaan jab kisi ki burai dhaanp le tou burai kernay wala apna zarf dekhata hy. Buray waqt se nikaltay he apni kicher sbse pehle ap k pallu se he saff kerta hy. Bohat talkh haqeeqat hy. Per sach yehi hy. Burai kernay wala sheer ho k apko hi zeer krnay pay tul jata hy. Aqseryat aisi he hy. Isliye khamoshi behter hy.
Written by Fehmida Chaudhary
25 April 2020 1:40 a.m