Main akser kai jagah mohabat k baray main bari taweel definitions perhti hun tou hans perti hun. Ab mohabat kya hy jesa unwaan perh k logon k demagh main ishq mashooqi walay heer ranjhay ka tasawer he ayega. Magar nhi mohabat kisi b rishtay main ho sakti hy. Maa ki mohabat apny bachon k liye. Baap ki mohabat. Aulad ki maa baap k liye mohabat. Behen ki bhai k liye aur bhai ki behen k liye mohabat. Ya behen ki behen k liye mohabat. Mian biwi ki apaas ki mohabat.
Mukhtasrun rishtay bohat hain. Mohabat ka koi aik thaikay’daar nahi aur na he mohabat kisi aik rishtay ki milkiyaat hoti hy.
Mere nazdeek mohabat jataa ker, baata ker, kisi pai’many se toli nahi jati. Mere nazdeek mohabat ki tafseer baray baray alfazon main kernay walay log, hazar haa daway kernay walay aur mohabat may paimaish kernay walay log, jesay agr koi dawa kry k chand taray paish kerdon jese alfaz jo sara sir laagu aur fazool daway hain. Mujhy is terha k log jo mohabat ko tarazu main toltay hain wo kabhi bhi mukhlis nhi lagty kyoon k moal toal to soda’ger kertay hain. Jahan mohabat main karobari dao paich ajain wo mohabat kahan rehti hy. Phir her cheiz ka bhaow teh kia jata hy. Hmne ye qurbani di to usko bhi ab ziada nhi tou us k baraber qurbani deni chaheye wagaira wagaira.
Mohabat main azmaish lena kam zarf logon ka khasa hy. Rishtay kabhi bhi mohabat ko azmaish me daal k hasil nahi kiye jatay.
Mohabat kisi b rishtay main ho. Usay azmaya nahi jata. Mohabat ko kamaya jata hy. Apni anaa maar k. Zarf ko waseeh ker k. Shak ki gunjaish nahi hoti . Aetimad aisa ho k dil o demagh me gumman ki haad he behaad ho. Yaqeen ka safar mohabat ko amar ker deta hy. Mohabat ka rishta khaloos, aetimaad aur yaqeen se jura hona chaheye. Budgumani jurm hy aur jurm ki saza to milti he hy.
Written by Fehmida Chaudhary
14th April 2020