Kya kaha...???
Main behiss hun???
Tumhain main hiss se aari lagti hun?? Wo jhunjhulaye howe andaz main chir k boli.
Main behiss hun???
Tumhain main hiss se aari lagti hun?? Wo jhunjhulaye howe andaz main chir k boli.
Pehlay main hansti bolti thi to sb kehtay achi larkiyaan khamosh rehti hain. Maine kaam bolna shuru kerdia balkay youn kaho k ab zarooratun he bolti hun.
Her insaan k sochnay ka andaz mukhtalif hota hy. Main kisi b behes main hissa leti to dosry ko b moqa deti bat ka. Apna apna point of view hy keh k bat khatum ker deti. Logon ko lgta main apni chalati. Phir logon k liye mene sun'na shuru ker dia. Apna point of view meray apny pass he store honay laga. Main khamosh reh k kisi ki sun k uska maan to berha sakti hun per jis bat pe dil o demagh raazi na ho. Main haan main haan nhi mila sakti.phir b koi khush na howa.
Jo kaam kbhi mene kia he na ho wo b mujh pe daag dia jaye tb bhi chup... kisi ko lagta main taiz hun , kisi ko lagta upper chamber he khali hy...kisi ko janooni lgti tou kisi ko nafsiati. Main chup sunnti hun. Hansti hun khoob hansti hun.
Ab roti nahi hun main in ashraf ul makhlooqat k samney. Dhoodh k dhulaay parsa log aur unki aab e zamzam se dhuli batain ab mjhy kuch nhi kehti.
Lakin main behiss nhi hun.mjhy dosron ko khush dekh k ajj b khushi hoti hy. Ajj b do logon main nafrat perhne se bachanay k liye main apni qurbani de sakti hun. Mjhy dosron ki zindagi me angaray bharne se dar lgta hy. Main tou wo hun jo asteen me saanp palti hy. Tou behiss hoti tou ahsaas na hota.
Behiss aur bey'niazz main farq hota hy. Behiss insan khudgarz hota hy . Usay sirf apni garz se he garz hoti hy.
Bey'niazz insan apni guzarish Allah k darbar main paish ker k khud her garz se subuk'dosh hojata hy.
Ye bey'niazi youn he wadiaat nhi hojati insaan ko.
Tun maan dhun ki qurbani nahi mangti ye. Rooh qurban kerni perti hy. Jaan mangti hy. Yaa to nai'yaa aar lagti hy ya paar. Aar lagti hy to jaan'kani ka aalam aur paar lagay to beniazzi milti inam main.
Ab ainda mjhy behiss kehnay se pehlay hazr bar sochna. Wo dhamki dene k andaz main boli.
Beniazzi ko behissi keh k uski tazleel na kerna.
Written by Fehmida Chaudhary
14th April 2020