Uski ankhon main nami dekh ker na janay kyoon mujhay kyoon kuch honay lagta hay...Mera bas nahi chalta kia ker k uski pareshaniyan uska dukh dor ker don...Bawajood is k keh wo aksar itna bura rawaiya ikhtiar ker laiti hay k bass per mujhay us per ziada der tak gussa rehta he nahi...Uski udasi mujhse bardash he nahi hoti...
Shayad main us main apna ap dekhte hon...main us k dard ko mehsoos ker sakti hon ...jis umer main us k sir say maa ka saya utha wo bohat kam umr ki thi...Aur wo chaheye bataye na bataye main ye bat feel ker sakti hon k jab her taraf se thokarain perti hon tou insan kaisa feel kerta hay...Wo kaisa feel kerti hoge jab us ko koi dukh takleef hota hoga...dil dukhta hoga...kisi cheiz ko man kerta hoga...wo kis se kehti hoge....Maa betiyon k liye khas tor per aik dost aur aik ghana sayadar darakht hoti hay....betiyan apni sari batain maa say share ker k aik ajeeb sa itminan mehsoos kerti hain..
Hamaray maushray main larkiyon ki shadiyan shuru se he masla rahi hain...Maa baap apni betiyon se pyar tou bohat kertay hian magar na janay kyoon wo isko bar bar larki k samnay zikr ker ker k usay ahsas e kamtari main mubtila ker daitay hain...Aik waqt ata hay k wo ye sochnay lagti hay k aik main he bojh hon...jis ki wajah se maa baap ki neendain haram ho gai hain...Aur rafta rafta wo is bat ko apnay seenay main zakhm ki terha saja laita hay k wo bojh hay....Aisa bojh jo k ya tou mar ker he utar sakta hay ya shadi ho ker....
Apni fikar ka izhar kertay howay maa baap is bat se be khabar hotay hain k unii beti k dil per kia guzarti hogi jab wo ye batain sunti hogi.....Maa baap ko bhi is rawaiye main badlao lanay ki zaroorat hay...
15th july 2012