Her shaks bana laita hay Ikhlaq ka mayar
Apnay liye kuch aur, Zamanay k liye aur
Main un logon se bhi pyar kerti hon jo mujh se nafrat karain....is liye nahi k un main aisi batain hain k wo pyar k like hain....balkay is liye k main hamaisha say he koi kam copy nahi kerti ... Nafrat ka jawab mohabat say.... gussay ka jawab khamosh ho ker...aur jo zaleel kernay ki koshish karay usko Izzat day ker.... k is say barh ker main kuch ker bhi nahi sakti ....
Insano k is gaul main mujhay shamil hona bhi nahi hay... jo dosron per ungliyan uthain ... jo kisi k kuch aeb pakar ker unki chand achaiyon ko bhi neglect ker dain... Nadaan log hain ... Koi kia jannay ALLAH nay jagah jagah kyoon kaha ye sub k .... kisi ko us k kiye gai baray gunnah say na pehchano k kia pata k uski kisi choti c dil say ki gai naiki ko ALLAH qabool ker k usay wo mukam day de jo tumhain hasil na ho sakay....
Allah Ho..........kerne se Allah ka qurb nahi milta....choti choti batain to adopt ker lain hum... baqi to manzil abhi bohat dor hay ....kari musafat hay...... kharr'dar raasta hay......
Jis terha apki zaat main chupay dukh durd koi bahar wala nahi dekh pata ...samajh pata...
Ap k dil ki achai...naikiyan....achai....burai...koi kaisay jaan sakta hay....
Kitab k sarwak ko dekh ker kitab main kia likha hay ....kaisay maloom ho sakta hay bhala......
Na main farishta hon....na bannay ki arzoo he hay... Main tou abhi insan he nahi ban paye...wo insan jo ASHRAFUL makhlooqat kehlata hay.... bohat kamiyan hain...bohat khamiyan hain...manzil ki dhool bhi nahi pa sakti is zindagi main tou .....Na janay kon log thay jo us manzil ko....us miraj ko paa gaye....Yaqeenan khush qismat log he thay....Yahan tou humko khud apna suragh nahi milta.......