Khuddaariyo.n ke Khuun ko arzaa.N na kar sake
ham apane jauharo.n ko numaayaa.N na kar sake
hokar Kharaab-e-may tere Gam to bhulaa diye
lekin Gam-e-hayaat kaa daramaa.N na kar sake
TuuTaa talism-e-ahad-e-mohabbat kuchh is tarah
phir aarazuu kii shamaa furezaa.N na kar sake
har shay qariib aake kashish apanii kho ga_ii
vo bhii ilaaj-e-shauq-e-gurezaa.N na kar sake
kis darjaa dil-shikan the mohabbat ke haadase
ham zindagii me.n phir ko_ii aramaa.N na kar sake
maayuusiiyo.n ne chhiin liye dil ke val-vale
vo bhii nishaat-e-ruuh kaa saamaa.N na kar sake
Bohat log milte hain duniya main jo dawa kerte hain humse mohabat ka ....ahtaram ka...izzat kerne ka...kabhi khooni rishte ka sahara lay ker...kabhi dosti ka sahara lay ker...Kabhi kuch tou kabhi kuch...Karobar he bana k rukh dia hay jazbon ka .... sachai ka...wafa ka...khoon k nam per dekhaway k pyar ka....Jab k sub fareeb hay...
Mujhse ziada ye bat koi nahi jan sakta k apna apna matlab anay per log jhuk bhi jate hain...galti bhi tasleem kerte hain aur maufi k khawastgar bhi ho jatay hain....magar ik talk sachai ye hay k hum un ki life main tab tak hotay hain jab tak wo hamain apni zindagi main dekhna chahtay hain aur kabhi hum ko unki zaroorat paray tou wo waqt anay per wo hamain lafzon saharay tou kia he dain gay....KICK OUT ker daitay hain ...jaise k hum thay he nahi....
Meri nazar main pyar tou BARDASH ka dosra nam hay....rishta khawah koi bhi ho....laikin agar ap main bardash nahi us rishte ko sehnay ki tou pyar ka bhan'da to phoot he reh jata hay... Khooni rishte hon k banai howay rishte..... Pyar ya mohabat ka dawa wohi ker saktay hain tou her bat main apni MAIN khatum ker k jis say pyar mohabat ka dawa ho usko her cheiz say afzal rukhtay ho....per kahan hota hay aisa....humse pagal duniya main Aam bhi tou nahi....
Ana k phool tab he khiltay hain kisi bhi gulshan main jab aap ko duniya main sirf aur sirf apni he zaat say pyar ho .... aur jahan ye phool aik bar khil jaye na...wahan phir agli bahar anay per koi naya sadabahar poda ugta bhi nahi...k is ana k phool k khilnay k bad zameen banjar he ho ker reh jati hay.....
Aisa nahi hay k main aasman se utri koi apsara hon k jo bas acha he acha kerti hay...us sa koi nahi .... Main bhi aik aam insan hon....lagzishon say pur insan .... khata ki putli...Aisa nahi k main koi bat dil per nahi laiti.....Aisa nahi k koi tanz ka teer mujhay laholahan nahi kerta.....Aisa nahi k main lafzon may chupay zeher ko pechan nahi pati....
Main to bas itna kerti hon k jab kabhi ana ka phool dil ki zameen per khilnay lagay...usko jar say he ukhar deti hon k .... wo poda kahin tanawar darukht ban ker meri rooh main apni jaar'ain na phaila day...aur phir iska koi ilaj mumkin he na....
Aisa nahi k kisi k kiye per nafrat ka ahsas kabhi meray zehan main na jaga ho....magar...us ahsas ko jism o jaan may bikharne se pehlay he main khud us nafrat k ahsas ka dum ghoot daiti hon k wo jo rooh main aik achai ki kuch ramak hay wo is ahsas say daaghdar na ho jaye....
Aisa nahi hay k mujhay gussa nahi ata...per is say pehlay k wo gussa mujhay jala k bhasam ker day ... main us per sabr aur bardast ka chirkao ker daiti hon....k mujhay Allah ki raza k liye us k logon say pyar kerna hay....tou main kisi silay ya badlay ki tawakooh us k bandon say kyoon rakhon.....Mera Allah kabhi kisi ki mehnat ..khalooos...pyar...zaya nahi kerta.....
Meri khudari ka khoon arzan hergiz nahi...bemole bhi nahi....Ye to khud apni rooh k Esal e sawab k liye aik sadqa e jaria hay meri taraf say tum sub k liye.........k hamain umeed ab koi ....kisi banda parwar say nahi hoge....
Hum Rab k siwa kisi se umeedain ab bandha nahi kerte....
Pyar tou humko sub se hay....Hum kam ya ziada nahi rukhte....
Rooh main baqi hai abhi kuch gunjaish zakhmon ki....
Chalo aoo ...Palat ker waar kerne ka hum irada nahi rukhte...(Fehmida)