Khush fehmiyon ka jaal..................

Phir dil udas hay...phir nas nas main zehreli sochain khoon ki jaga dorrti phir rahi hain...Phir kuch toota hay ander he ander...Magar ..... Kia..... ?

Na janay kia...tootay wajood main phir aik gunjaish nikal aye aik bar aur tootne ki....Kuch tou toota hay per kia toota hay...Dil....nahi nahi....Wo tou kab ka toot chuka hay...us main ab sakat baqi kahan hay ... Astarkari ki gunjaish bhi nahi ab tou us main...

Tou ye awaz kaisi aye .....?
Shayad
Aetibar toota hay...
Shayad
Wo jo khush fehmiyon ka jaal bunna tha na main nay....
wo toota hay...
Haan shayad aisa he hay....

Per mujhay ye paraishani kaisi....?
Mujhay tou aadat hay.....
Roz toot k bikhar janay ki....
Phir khud he himmat ker k simmat janay ki...
Aur simmat k dobara bikhar janay k intizar ki....
Aur is amul ko bar bar hotay dekhtay janay ki....
Shayad
Aadatain kabhi khatum nahi hoti.....
SHayad
Bar bar tootnay k amul say lay ker jurnay k amal tak
Hum apni zaat ki bunyadon main
Mazeed sabr ki pukhtagi ka cement daltay hain...
Aur apni zaat ki dhaa'ey howi imarat ki bunyadon ko mazboot kerte jatay hain...
Aur youn
zindagi k safar main hum berhtay he jatay hain.....
Chaltay he jatay hain....
Chaltay he jatay hain....

Written by Fehmida Chaudhary
16 March 2012

Jeena tou hay............

Zindagi main khushi ghum ki miqdar kabhi kam aur kabhi ziada ho jati hay... Her insan ka zindagi ko us ki mushkilat ko aur khushyon ko expressed karnay ka tareeqa different hota hay...Wo apnay lihaz say halat o waqiyat ko soch samajh ker tackle kerta hay... Kyoon k wo bether tore per janta hay k us k kis action ka kia result samnay aye ga....us k nuqsanat kia hain aur fawaid kia hasil honge...

Per kabhi kabhi aisa bhi hota hay ap thak jatay ho ...himmmat har dete ho... aur halat k samany dhair ho jatay ho k Lo Hamari jaan tumharay hawalay....Ker lo jo kerna hay.... Ye wo lamha hota hay jab hum jeetay jagtay insan hotay howay bhi jeena chore daitay hain...

Wo ye qurb ka wo alam hota hay jab ap bhari duniya main khud ko tanha patay ho...Sab k hotay howay bhi ap kisi k nahi hotay aur na koi ap ka hota hay....

Us nay bhi aisa he kia tha ..... BUS .... Jeena chore dia tha....

Aur phir zindagi nay kaisay kaisay tamashay dekhai..... Kin kin chehron say naqab uthai... Zindagi ki un haqeeqaton ka idraak bhi howa jo shayad kabhi na hota.....

Us nay bhi bhi bohat pehlay jeena chore dia tha ...bas farq sirf ye tha k wo zinda dargore thi duniya main... Qabr aur kafan k ahtamam ki usay zaroorat he na pari thi....

Us nay badalte waqt k saath saath Badaltay Chehron ko dekha tha.... Wo jo kabhi apnay thay...Jinhain dekh ker wo jeeti thi... jinhain sub kuch manti thi....Magar .... Mohabat ki kali patti bandi thi us ki ankhon per k wo dekh he na paye jinhain wo apnay samajhti thi wo tou darasal ajnabi chehray thay..... ye ajnabi rishtay ab us say bardash he nahi ho rahay thay....Jin k liye wo jeeti aye thi wo tou sub uski nazar ka dhoka tha ... fareeb tha ... uska tou koi tha he nahi.... bus ye he lamha tha wo jab USNE JEENA CHORE DIA.....

Us ki ankhon main roshan mohabat k deep bujh k reh gaye..uski awaz ghut ker reh gai.... Wo cheekhna chahti thi...Bolna chahti thi...magar qurb k ahsas nay us ko goonga ker dia tha.... Aur shayad ati jati sans tak usay aisa he rehna tha....Viran chehra.....munjamid sochain....ahsas say ari dil...banjar ankhain....

Phir raat howi......Chand nikla.....Chandni her sooo phail gai....Wo dheeme say muskurai...ik naye ahad k saath uthi....sochon k bhanwar main halchal howi....wo sochnay lagi ye chand kitna piyara kitna khobsurat hay... her dam roshni phailata ... andhairay main bhatke howon ko roshni dekhanay wala ... un ko unki manzil per ponchanay wala.....aur khud ye chand khandar zada .....

Usay umeed ki kiran mil gai thi....wo ik nai ahad k sath uthi...us k chehray per mojoood tabbasum is bat ki akasi kerta tha k usay JEENAY KI AIK NAI Umang mil gai .... Wo Chand ki terha apnay khandar zada wajood ko dosron k liye roshni ka mamber bana ker jeenay ka aasra ker sakti hay....wo ..................Phir se............JEE SAKTI HAY......

10th March 2012
by Fehmida Chaudhary......

Na Umeedi....

Na Umeedi ka zeher jab aik dafa ap ki sochain main ghul jaye tou ap Aas k tamam daman chore daitay ho...Kuch acha nahi lagta ... Apna ap bhi....dil o demagh per yasiat ki gird jam jati hay... sans laina dobhar lagta hay...

Zindagi itni durdnak hay tou moat ka kia alam hoga... Hum duniya k haray howay wahan kia umeed karain gay wahan k liye ...

Meray Malik mujhay is bat ka jawab chaheye ... Mere saath aisa kyoon hota hay... jisko ungli pakar k chalna sikhati hon..wo chalnay per sub say pehlay mujhay he apnay qadmon tallay rond dalta hay...

Kisi k saath jitni dore bhi chalon... usko jab chorna ho wo chore jata hay...

Jis ki dhal ban ker usko dosron ki kankariyon se bachao wo mehfooz ho ker sab say pehla waar he mujh per kerta hay...

Badla na laina meri fitrat hay...Log isay meri kamzori gardante hain...

Meri khamoshi mere ander bardash ki had khatum honay ka ailan kerti hay...

Main perfect nahi... Main perfect ho bhi nahi sakti... Per main duniya jaisi bhi nahi hona chahti...her koi apnay apnay matlab ka ... mohabat ka faraib.... kehtay kuch hain kertay kuch hain...

Mujhay manzil tak poncha day ya mujhay her bat se begarz ker day.........Apni pannah main lay ker is duniya say dil ochat ker day....Mera jeena marna tujh se shuru ho kr tujh per khatum ho jaye....Warna meri moat ko asan ker day.....Suna hay jasd e khaki ...khak may mil ker chain pata hay .... shayad meri bechain rooh ko isi terha qarar ajaye.... Meray bad mujhay ronay wala koi nahi ... isiliye main apnay liye pehlay say he bohat ro chuki....ansoo khushk ho chukay meray...mujhse ab roya nahi jata...

Mujhay itna yaqeen hay k sub ki terha Aap mujhay akaila nahi chorain gay... I love U Allah mian.. Mere dil ko TU apni talab main laga de... Mujhay duniya se beparwa kerday mujhay hosh o hawas se begana ker day......Mujhay apni pannah main lae lay Malik...Meri soch meri sansain meri zindagi meri umeedain meri hansi mera yaqeen sab zakhmi zakhmi hain...Marham rakh day in per...
Masiha hay TU tou....Masehai ker day.............mujhay na umeedi ki daldul say nikal day...ameen