Shukriya Zindagi...

Wo shayad bhool chuka tha keh maine usay btaya tha keh main had darjay aziat pasand hun. Khud aziati sehna chotay dil walon ka kaam nhi. Is k liye asab mazboot aur Dil chaa'taan hona chahiye.

Apnay apko nit nay tareeqay see zich krnay ka alag he maza hy...Aur jo koi dosra aisa kernay ka sochy mere saath to main uska bhi pora pora saath deti hun.

Usay lgta tha main toot k giron gi aur mar jaongi. Per aisa to tb hota na jab main is k liye zehni tor per tyar na hoti.

Is se berh k kya saath nibhaon  k maine uski likhi kahani k kirdaar ko bagair script ke waisey he nibhaya hay jese wo chahta tha.

Ye jo muskurahat hy na mere labon per ye maa'nd nahi perhnay wali. InshAllah

Dekh ker undekha krna aur andha honay main bohat farq hota Hy. Alfaaz ka zakhera honay per bhi chup hojana kamzori ki alamat nhi hoti leehaz ka pass hota Hy. Jhoot jantey howay bhi kisi ki khushi k liye her bat sach maan lena bhi aalazarfi hy per kamzarf logon ka Kia lena dena.

Written by Fehmida Chaudhary
As on 30 June 2018

Khauf...

Suno...
Jab tum meri bud'duaon se marne lago to kisi se keh k mujhay itlaah zaroor krwana tah k main "Dua" ker sakon.

Haan
Dua krongi main ...

K jis terha mere wajood aur nas nas se tmne Zindagi nachori hy bilkul isi terha tumhara dam bhi qatra qatra niklay. Suna Hy jab dam nikalta hy to bohat takleef hoti Hy. Dam k saath sub "Khum" bhi nikal jata hy.

Pata nahi kyoon???
Main tumhari ankhon main moat ka khauf bilkul aise he dekhna chahti hun jesa khauf Meri ankhon main Zindagi jeenay ka soch kr umad ata Hy...

Written by Fehmida Chaudhary
27th June 2018

Na'qabil e yaqeen haqeeqat

Maine apni adhi se ziada Zindagi aik aisay shakhs se rishta nibhane main guzaar di, jisne Meri jhooli main faraib, dhoka, jhoot k siwa kuch nhi dala. Aik saaf Dil jabir gareeb insan k saath aurat guzara kr sakti Hy. Jiska batin aur zahir aik ho. Per aik makaar jhootay aur faraibi k saath kabhi bhi aurat guzara nhi kr sakti.
Mard aurat ki khamoshi aur bardasht ko uski kamzori samajh k usper zulm ki had kr daita aur samajhta hy k is aurat nay mera kia beegar laina hy. Bardasht ki had paar kertay he aurat tamam ahsaasat aur jazbaat ko behissi ki neend sula deti hy aur phr aik he lamhay main wo us rondhnay wale shakhs k saye see dur nikal aati hy...us zalim shakhs ki ankhon main hairat aur tahayur ki tasveer dekh k us aurat ki zakhmi izzat e nafs khafeef sa muskurate hay aur wo apni Jane wale qafmon k nishan saath saath mittati b jati hy k wo zabt ki hadood ki ab nigaahbani nhi kr sakti.pechy mur k dekhne ka sawal bachta he nhi...
Aur ab main apna aap momi main dekh Rahi thi. Wo zabt ki zanjeer Tor k us k hisaar see kbki nikal ai thi. Per wo ana parast shakhs momi ko abhi bhi apni bnd mutthi main mukeed tasavur kr raha tha. Usay khabar he nhi this k momi rait k zaaron ki trha ahista ahista uski mutthi see phisal k uski qaid see reehai paa chuki thi. Us shaks ki mutthi khulnay ki dair this aur us anaparast shakhs ne buth ki trha unchay lambay qad samait us zameen pr aa girna that just zameen main momi ki zaat Zara Zara ho k phaili howi thi...

Written by Fehmida Chaudhary
22nd July 2018 Friday

Taqq Raat ki maqbool dua..

Main ajj momi ki taraf ai howi thi...main usay mustakil note krhi thi k ajj us k chehray pr balah ka sukoon tha...Maine wese he poch Lia k konsa khazana hath lga Hy mohtarma k...momi ne Meri taraf dekha aur muskura di...apko pata Hy na mjhy geeli mitti ki khushboo kitni bhati Hy..barish ki bondain jab tip tip chehray pr girti hain to mera dil is taal pay morni ki trha nach uthta hy...wo kehti jarahi thi aur mujhy kuch ajeeb nhi Lag rha tha ...kyoon k aesi bey saropa batain wo akser he kerti thi...momi mujhy soch main doba dekh k mera bazoo hilatay Howe cheekhi aap sun rhi Hain na...main ne gardan isharatun HAN main hila di...wo boli apko pta hy na main Hawa see jholtay darakht k nechy kharay ho ker paglon ki trha chilati thi k kitni pyari Hawa Hy na... dil krta Hy hawa k doosh pe ur k gagun ko choo aon..
Apko pata hy rangon se mohabat krne wali momi k sb rang dukhon ki dhoop ki timmazat se ur gaye hain aur ab usay her rung safaid nazr ata Hy...
Momi tm pagal hogai ho chup b ker jao...maine chir k kaha.

Plz ajj sunlain shayad phir ye awaz ap kbhi sun na paen...mene apne rab SE in taq Raton main ye sb manga Hy aur mjhy yaqeen Hy wo mjhy naumeed nhi kryga...
Mjhy wo apnay hawason main nhi LG rhi thi...
Main ghr Jane k liye uth khari howi...
Eid ki sbha kaam nibtate main soch he rhi thi k ajj momi ko bulwa lungi ya khud chaker laga aongi...tab he phone ki Bell bji ...paros wali bhabi ney sisakti awaz main kaha...... Momi Mar gaye...
Main Jahan thi wahin ki wahin khari reh gai...lgta tha jism may jaan nhi...
Janazay ko dafna k anay walon ne btaya bohut achi jaga mili qabr ki...darakht ki chaaon.. lehlahati tehniyaan...oper se rab ne baran e rehmat b bhej di,..mitti aur phoolon ki khushboo chaar so...btanay walay ka bayan jaari tha per Meray demagh main taq rat walay din ki momi ki duain Jo wo mujhy btaye jarahi thi...sain sain krty zehan main yehi baazgusht horhi thi k momi tmhari sb duain bargaah e ilahi main qabool krli gain...
Momi....tou Kia tmne un taq Raton main apni mout maangi thi...aik anso Meri ankhon see nikal kr mere zabt ki toheen kergaya....

Written by Fehmida Chaudhary
5th June 2018