shikwa shikayat .........

Mera man'na hay k jo log shikwa shikayat kertay hain her bat per .... wo khud un baton ki pasdari nahi kertay ...jis per kisi dosray say shikwa ker rahay hon....

Logon ki nirali he mantak suni aur dekhi hay main nay ...ye k .....shikwa apnon say he kia jata hay....

Aray......

Apna jisay samjha jaye us say shikwa kaisa.......!!!!! ???

Apna tou wo hota hay jis ki her baat aab e hayat samajh ker ghont ghont amrit ki terha pee li jaye...

Ye kia howa k ...shikayat kerdi..........

Ho sakta hay logon ki soch ye ho........per mujhay ye soch qabool nahi........

Mujhay tou bas ye pata hay k apnay piyaron ki sub buri batain ya dil dhuka janay wali batain dil k kisi konay may madfun kerlo.....aur koshish karo k us per shikwa na karo....Aisa nahi hay k hum un baton ko foran dil say ukhar painktay hain..........dil may sadma bhi hota hay......dil khoon k ansoo bhi rota hay.....per qarar ajata hay rafta rafta...........kabhi kabhi ye lamhat ye alfaz hum per udasi ka hamla bhi ker daitay hain.....magar acha insan wohi hay jo buraiyan bhool ker achaiyon ko yaad rukhay..........

Ajj kal TIT FOR TAT wala zamana hay........na janay log badla kaisay laitay hain..........itna mazboot dil kahan say latay hain...........k ....badlay laitay phirain...........

Per naadan ye kyoon nahi jantay k .....

Jab hum apnay dilon ko sakht ker lain gay dosron k liye....

tou RAB UL IZZAT

kia hamaray liye dil ko naram farmain gay k nahi........

IK sawal hay..........chubhta howa sa.........

per is jawab may hum sub k liye............APnay khaliq k aagay kitni sharamsari si hay na.....


Fehmida Chaudhary

Samjhotha....

Na ye dosti hay ....

Na he narazi hay.....

Ye to sirf aur sirf samjhota hay ...

Jo tumharay meray dermiyan khud ba khud teh pa gaya hay.....

Main nay aik jaga perha tha mohabat may ya tou jeet hoit hay ya haar....

Jeet tou mera muqadar ho he nahi sakti ...

Kyoon k sinf e nazuk ka muqadar jeet nahi....

Aur

Haar ko main apna naseeb banana nahi chahti ...

lehaza beech ki raah chuni hay main nay....

Mila to aur bhi taqseem ker gaya mujhko...

Samaitne thi jisay meri khirchiyan mohsin...


Fehmida Chaudhary

Sakoot e margh taari hay.....

~~~~~~~~~~~~~~~~~~~~~~~~~~~~~~~~~~~~~~~

Adat hay hamain kuch ziada he khushyan bantnay ki

Her dafa khali reh jatay hain... patay patay.....

~~~~~~~~~~~~~~~~~~~~~~~~~~~~~~~~~~~~~~~

Zindagi may logon ko kisi bhi cheiz k liye pagal hotay dekh ker bari hairani si hoti hay....ye waqti ubal hota hay..Jitna zindagi ko aur logon ko main nay samjha hay wo ye he hay k jo cheiz unki dastarast say dore hoti hay us k liye wo bekarar hotay hain.........aur jab wo cheiz unko hasil ho jati hay tou uski qadr nahi rehti........ Suna tha k Heeray ki qadr johri ko hoti hay...........per sub kitabi batain hain......Zindagi nay tou kuch aur he dekhaya bhi aur bataya bhi........

Halan k main achi terha janti hon k kisi bhi baat per tabsarah ker daina ya tanqeed ker daina bohat he sehal sa kam hay........per main zindagi ki un talkiyon ko kaisay jhutla don...jinhon nay ye aagahi di hay k log badal jatay hain.....daway badal jatay hain.........riston k aetibar kaim nahi rehtay ....mohabatain kahaniyan ho jati hay.......jazbay badal jatay hain........per jo seedhay sadhay log hain jo khuloos aur wafa ki raah per chalnay walay log hain unki ankhain tab khulti hain jab un k apna aetibar kirchi kirchi hota hay......tab wo jo mohabataon ki bulandiyon ki taraf rawan dawan hota hay zameen per agirta hay........zindagi bhar ka sath denay ki qasmain khanay walay us rishtay ki he lajj nahi rukh patay ..........aur unhain naya safar ...nai mohabat ka junoon kisi aur he manzil ki taraf lay jata hay..........

Phir bas reh he kia jata hay.......kuch bhi nahi..........

Duniya bhar ka pyar ap k liey koi maani nahi rukhta k jiska pyar apka haq tha..........us nay he ap k aeibar k khoon ker k kahin aur luta dia..........tab na he apko apnay ap per confidence rehta hay na he duniya k kisi aur shaks per .........shayad kabhi kabhi apnay ap per bhi nahi ..........

Per apni he khawari hay........apni he beizzati hay..........apni he bekadri hay...........tou bata ker kia hasil ............

Baray khush naseeb log hotay hain jo dil khool ker lar bhi laitay hain batain bhi suna daitay hain...

Muskil to un logon ko hoti hay jo ander he ander chup chap ghuttay rehtay hain...na kisi ko kuch bata saktay hain na he dil k zakhm dikha saktay hain...........

Meri mantak meri tarah nirali hay.........mera manna tha k ALfaz k teer ....zakhm lagatay zaroor hay per aik na aik din wo bhi bher he jatay hain...........per khamoshi.................khamoshi ki ik apni he zuban hoti hay ..........jo kuch na keh ker bhi bohat sa ahtajaj ker jati hay...........per nahi ab na lafzon ka asar hota hay na khamoshi per ........log behiss ho gai hain...............ristay khoon k ansoo rulatay hain...........zakhmon per khanjeer ki noak say marham lagatay hain..........ajj beaetibari si be aetibari hay..........ajj afrah tafri ka alam hay...........ik kohram sa bapah hain dil ki basti may.......ik khamosh si gonjh hay zindagi k sehra may.............

Sakoot e margh tari hay.......................

Sakoot e margh tari hay.......................

Fehmida Chaudhary

Apnay aur bayganay.....

Main nay zindagi may do mukhtalif tarah k logon say dhoka khaya...

Ik un say jin say mera koi rishta tha na he wasta....

Ik wo jo meray bohat apnay thay aur meri zaat ka hissa bhi....

Shayad zindagi may her zakhm ka marham hay...per wo dil jo kisi pyary k hathon zakhmi howa ho us per koi marham koi dawa kam nahi kerti.......un zakhmon say Khoon rista he rehta hay.....Khoon ki her bond jism o jaan may ik aag si dehka deti hay...Lakh bhulana chaho per ....NAHI...ap nahi bhool saktay....un rishton un pyaron un apnon ki ankhon k rang badalnay ka manzar....

Lehjay ki talkhi ......Jazbat say aari jumlay.........Aur wo beganay pan ka ahsaas jo wo hamain dila jatay hain.........

Kehtay hain waqt sab say bara marham hay.....

Nahi.....

Guzarta waqt is zakhm ko na-soor zaroor bana daita hay....per bhulata nahi...durd kam nahi hota...barhta jata hay....barhta jata hay ......

Phir ik muqam aisa ata hay k ap ki sochain sirf aur sirf isi nuqtay per aker munjamid ho jati hain.....

HAYE MERAY APNAY.....MERAY PYARY.....KAISAY RANG BADAL GAI.....

per ye sawal ap khud he apnay ap say kertay ho aur khud he jawab detay ho...k jin say sawal kia gaya tha un k pass to itna time bhi nahi k wo apka sawal sirf sun he sakain ....Jawab denay k liye to phir bhi time ki zaroorat hoti hay....

Shayad meri batain kisi ki samajh may na ati hon...per acha he hay....khud he batain ker k khud ko muztarib kerna....khud he tasali dena....khud he pursakoon ho jana.....her her phase zindagi ka kuch na kuch experiences hamari jhooli may dalta he rehta hay..... to ye bhi acha he hay....khud he khud say ulajtay rehna.....apni zaat ki khamiyon ko pehchana ...ik alag he lutf hay.....khud aziati ka.......

Janay kaisay log dosron say dushmani kertay hain...tanqeed kertay hain...nafrat paltay hain.....

zaatiyat per utar atay hain.........

Humko to khud say he FURSAT nahi milti.....

Meri soch k zaviye ....meri zaat ki bhool bhalaiyon jaisay he paich dar hain....

k...

main to khud in bhool bhaliyon may raat din bhatakti rehti hon....apna koi nishan he nahi milta mujhko.....

Ajab beqarari si beqarari hay........Ajab na khatum honay wala safar hay......jo shayad ZINDAGI say shuru ho ker moat ki manzil per aker he khatum hoga......to he qarar aye ga.......sakoon milay ga.....

Fehmida Chaudhary

......................

Zindagi may baz log baray dhani hotay hain....mitti ko hath lagatay hain to sona ho jata hay...

per baz log sonay ko hath lagain to rakh ho jata hay.....

Zindagi may jab kabhi bhi kisi k liye kuch acha kernay ki koshish ki......uska ulta result he mila....kehtay hain niyat achi to 100 raahain khul jati hain....per aisa sirf shayad kitabon may he hota hay......Real life to is say kuch alag he hay....Yahan jo kuch nahi hota ...wo bohat kuch hota hay...

aur jo kuch hota hay...usay apnay honay ka ahsas bhi nahi hota.....

Kehtay hain ghar may shakkar to bahar bhi shakkar....

Ahhhhhh.....

Jab kabhi dil dukha ho to us din mazeed dukhta he chala jata hay...

Raah k pathar aur hamari mumasilat ye he hay ............Aoo aur ik zoredar thokar lagao.....hanstay jao......rulatay jao........choat lagatay jao.....durd barhatay jao............

Kehtay hain her cheiz ki ik had hoti hay...........per kab hoti hay .....................??

Jab insan may sans nahi rehti ...........tab???

Per tab faida he kia.............

Zindagi bari bedard hay........zinda lash khud apna matam kerti hay......aur murda lash per dosray...

Per mernay walon ko ronay ka wo durd nahi hota ....jo zinda lash khud apna matam ker k feel kerti hay............

Written by Fehmida Chaudhary