Soch Ka Zavia

Aik baaghbaan zameen main beej daalta hy is umeed se k inse nanhi konpal phote gi...aur jis din nanha sa poda is beej se phot'ta hy... us maali ki khushi ki inteha nhi hoti....aur phir maali k roz o shab us poday ki hifazat aur khayal krte guzartay hain...aur wo nanha poda b roz us maali k intizar me hota hy k kb wo aye ... Usay pani day, sajaye sanwaray aur dekh bhal kry.... Aur maali us poday ki dekh bhal tb tk kerta hy jab tak wo tanawer darakht nhi ban jata...is mazboot, haray bharay tanawer darakht se na tou baaghban ko saey ki tamana hoti hy na he phal ki...per jane kyoon ye darakht jese he apni mazboot jer'on se khud apni khooraak kasheed krny k qabil hota hy....wo us baghbaan ko bhool jaya hy jisne apni jawani uski nigaahbaani me surf krdi...us k hary bhare pattay hawa me jhoom k apne baaghbaan ko he taaza hawa k jhonkay dene se kat'ratay hain...saaya dene k b rawadaar nazr nhi atay...kon jane baaghbaan ne nigaahbaani me kia qasr chor di... Written by Fehmida Chau

Youn tou zindagi main kai baar hmari rooh zakhmi b hoti hy aur taar taar bhi....hm hr mumkin koshish krte hain k in zakhmon ko marham mil jaye aur rooh ko sakoon mile...magar duniya ki koi dawa, koi marham asr nhi krta...aur ye zakhm hmari he aagosh main hmary zer e saaya panapta rehta hy...aur guzarta waqt isay naa'soor me badal deta hy...aur ye na jeenay deta hy aur na marne deta hy...bsss umr bhar ristaah rehta hy....laailaj jo tehra.... Jism pe lagay zakhm qabil e ilaj b hotay hain aur qabil e bardasht nhi...pr rooh k wo zakhm jo kisi k jhoot, faraib se rooh ko ghayaal kerdain wo naa'soor bn k jaan le k he jaan chortey hain...aise nhi... Momi bolay chali jarhi thi...aur main hairat se usko takay jarahi thi... Wo bht dino bd mujh say milnay aai thi...dil ka bojh halka krny... Maine kaha momi tm betho main chai bna k lai....usne hath berha k mjhy jane se rokty howe kaha...nhi aap kahin na jain bs meri sunain... Uski ankhon main nami dekh k mene wahin bethna munasib samjh

Jo aanso hum bahah nhi patay wo aanso ander he ander dil pe girty hain... Ye her waqt ki ander ki nami .... Seelahat paida kr deti hy... Aur ye seelahat deemak ko daawat deti hy...ye deemak ander he ander porey wajood jo khookhla ker deti hy...pta he nhi chal pata k ik chalta phirta oncha lamba qad awer insan kb deemak zada ho k taewaraah k gir parta hy... Aur ye deemak zaadah wajood na to muram'mat k qabil rehta hy na khatum hota hy....akhri saans ane tak is deemak lagay wajood ko zindagi k nam pe gha'seet'naah perta hy....kabhi ider aur kabhi udher.... Written by Fehmida Chaudhary 4th December 2016

Wo mere samnay khari thi . Maine dekha us ki ankhon k gird siyah halkay us k rutjaggon ka jeeta jagta saboot paish ker rahay thay.  Maine us se pocha ....? Tumhain Kia howa hay....? Wo isteh'raa'ia andaz main hansi... Us waqt mujhay mehsoos howa k uski khamoosh ankhon main nami utr ai hay... Us k lab khulay aur wo dheeray se sir jhuka k boli.... "Mujhay IDRAAK howa hay ".... Maine hairat se uski taraf dekha aur sawal kia....?? Kis cheiz ka IDRAAK howa hay ...? Main samjhi nahi tumhari baat ka matlab....? Wo muskurane ki nakam koshish kertay howay boli.... "App ko pata hay maine kabhi armaan nahi palay, na he bari bari khawahishain ki hain...App hairaan hongi meri zindagi ki sub se bari khawahish yehi THI k jab main maron to koi aik shaks "SIRF MUJHAY"  roye... Us k ansoo dekhaway k na hon... Wo sirf meri khatir....meray liye roye.... Kia ye koi bohat he bari khawahish thi? Ya Apni had se ziada maang lia tha maine...

Kya ajab he harman naseebi thi us larki ki bhi...wo apni mohabat ka yaqeen dilate dilate thak gaye thi...per wo b ajab tha... Aetibaar krta he na tha... Aur phr aisa howa k wo aetibar ki serhi cherheny laga tou.....wo phool si naazuk larki apna yaqeen...apna aetibaar khoo bethi thi... Written by fehmida chaudhary 18th nov 2016

Duniya me doo tarah k dukh naqabil e faramosh hotey hain..pehlay number pr wo dukh jab kisi bohat apne ki ankhon me hum gair'iat,  bey'aetinai aur ajnab'iat k saey mehsoos krte hain... Aisa waqt jb hum pr ata hy to jism me garm dorta hwa khoon yak dam is sard mohri se munjamind hota hwa mehsoos hota hy... Dosra bara dukh ka makam wo hota hy jab hum zindagi me apnay qareeb k logon pr itna andha aetimad krte hain k... Us aetimad aur andhay pan me hm apni hissiat bhi un logon k pass girwi rakhwa dete hain...aur hosh tb ata hy hamain jab us andhay pan me hm quwain me gir chukay hote hain... Written by Fehmida Chaudhary 14th november 2016

Jab insan kisi se pyar karay aur us k liye bechain rahay... aur uski bechaini pehle be'karari main badle phir bhi us k jazbay ki sadaqat kisi kam na aye to rafta rafta us ki be'karari ....be'zaari main badalte hay ...phir wo bezaari rafta rafta be'niaazi may dhal jati hay....aur akhir main badgumani he reh jati hay....aur jab badgumani akhri hadon ko chonay lagay to ik chup c lag jati hay insan ko...aur is chup main aah o baqa k tamam taaziye dafan ho chuke hotay hain...Akhir main rehta hay to sirf itna taluq k aik shaks janaze ki surat maiin hota hay aur dosra janaze main shirkat kerne wala.... Her rishte main dobara panapne ki raah hoti hay ...  per in tamam marahil se guzarne wale rishte main na to palatne ki umeed rehti hay aur na he dil se utare howe shaks ko wapis dil ki masund main dobara se sajane ki... aur phir malal bhi kisi kam ka nahi rehta... rehti hay to sirf yehi sachai k .... sabr ki hadon tak sabr kernay walay jab apne per jabr kertay hain na to wo

Mohabat lafz he se nafrat ho gai hay mujhay...khawa wo kisi bhi rishte k liye ho...zeher ko sheeray may dabo k paish kernay ka nam hay mohabat....dekha jaye to duniya ki mehngi tareen sheh aur samjha na jaye to kuch bhi nahi... Kaash jis se mohabat ki jaye ...us se nafrat bhi ho sakti ho...per aisa kahan hota hay .... Mohabat kernay wala bohat aala zarf hota hay... kam nasl insan kabhi mohabat ker he nahi sakta...  Maine jin logon ko dil k onchay singhasun per bethaya tha wo wahan se gir pare to mere qadmon me a giray...giri howi cheiz kab koi utha k seenay se lagata hay... Main sangdil nahi...per  jab kisi ki koi bat buray lagay to pehaly kuch dair ki dori aur phir waqfa berha berha k us se la taluki ikhtiar ker laiti hon...ye period jaan lewa to hota hay per phir roz roz k durd se jaan choot jati hay...kabhi kabhi dil k tankay udher jain to maazi k zakhm kuch dair ko haray ho to jatay hain per kuch dair bad hum unhain zehan se jhatak k agay berh jatay hain... Mujhay dukh

Purkhaloos log...mohabat kerne wale log....apne aur dosron k liye ik sa sochne wale log...sach ki raah per chalne wale log...ajj kal ki duniya main fit kab hote hain...duniya wale aise logon ko BEWAKOOF kehte hain aur un bewakoof logon k liye sub ki nazron  main tehkeer nazr ati hay.... Jane ujle chehron walay...dil k itne kaalay kyoon hotay hain...??? Pehle k zamane main insan ki pehchan us ki sachai kirdar aur amal se perkhi jati thi..aur ajj kal k dor main ye sub cheizain kisi khaateey main he nahi aatin...perkha jata hay to sirf dolat k tarazoo main toal ker... jane ye asool ye andaz ye janch ka andaz kab aur kaisay raij hogaya aur kisi ne na roka na toka... Fehmida Chaudhary 7th October 2016

Wo ajj phir apni diary likhne bethi thi.... Qalam safhon ko kalay ker raha tha..Maine diary uthai aur pehne lagi..... wo likhti thi.....keh Maine apnay faraiz pori taan o maan k saath nibhanay ki koshish ki thi ...hamaisha he say...Per na janay kyoon mujhay jab bhi koi rishta mila...."UDHAAR" pay he mila....chand ghantay ....chand lamhay, chand second ...Main hamaisha se he her jaga second choice rahi hon... Maine hamaisha "POORAY" pay "ADHAY" ka soda kia hay....Kasaara he aya hay hamaisha meray hissay main...Per nafaah bhi kab khushi ki zamanat bana hay...? Maine dekhha hay jo khidmat, khaloos, pyar k moal rishtay nibhatay hain ...wo haar jatay hain...apna sab kuch waar k bhi ...Aur....wo jo tilismi lafzon k jaal buntay hain aur jin k qaul...amal se khali hain wohi jeet jatay hain....kuch na ker k bhi....un k lafzon ki jadugari na janay kaisay khareed laiti hay logon ko....jab keh...log unhain jantay bhi hain....k wo kia hain...aur kia d

Yahan kon...? Kab....? Kisko chahta hay..... Aur agar chahta bhi hay tou wo Hasb e aarzo he chahta hay.... Uski talab  talab tehri... Aur uska KYA...? Jisay Mangna he na aata ho.... Fehmida Chaudhary  12th September 2016

Aisa nahi tha k wo dhokay dene walon ko pehchanti nahi thi....Wo dhoka tab tak jaan bojh k khati thi jab tak samne wala ahsaas e bartari main mubtila nahi hojata tha k wo aik acha dhokay baz hay... wo her baat main he inteha pasand thi...her aziat ko inteha tak mehsoos kerna pasand tha usay...ye aziat pasandi usay zindagi k us mor per lay ai thi k wo chup reh k zakhm paalti thi dil k ander he ander ... uska dil uski qeemti tajoori tha ...jiski chabi kisi k pass bhi nahi thi...aur milti bhi kaise wo chabi ...wo chabi to usne dil e zang'zada ko taala mar k ...tareek raaton main tanhai main bahaey ansoon k railaay main....wo chabi phaink ai thi....  Fehmida Chaudhary 11th September 2016

Pichly Zamanay main umr main baray log...apnay zarf ki wusat se apna bara pan sabit kertay thay....un k rawaiyon aur atwaar main bara pan tha...choton se shafqat , unki galtiyon pe sarzanish ker k unko mauf  ker dainay se un ki aala zarf i ka pata chalta tha..... Aur  Ab baray log wo hotay hain jo tajoriyon main maal rakhte hain.. Baat to sach hay per baat kerwi hay... Fehmida Chaudhary 7th September 2016

Dil chah raha hay mera.... Keh duniya se chup jaon... Na koi aas rahay na koi khawahish baqi  na koi khawab he ab k palkon ki baar per atkay.... Na umeed k jugnu timtima'aain  na koi safar manzil ki janib ishara de.... na ankhon me jhilmilate ansoo'on ki rimjhim he  kisi qaus o khizan ka pata de.... Dil chah raha hay mera .... Keh Ab k abdi neend so jaon.... Aur  Kabhi loat k na aon.... Fehmda Chaudhary 27th August 2016

Aisa ho sakta hay kia?  keh khushboo ko alag phool se kia jaye.... Aisa ho sakta hay kia ?  Keh dil ho aur dharkhan na ho... Aisa ho sakta hay kia? Keh soraj  magrib se nikle aur mashrik me garoob ho... Aisa ho sakta hay kia ? Chand ho aur chandni na ho... Jab ye sub namumkin hay tou... Aisa kyoon? isi asman tallay.... Main yahan....  Tu wahan.... Zindagi hay KAHAN ....??? Fehmida Chaudhary 25th August 2016

Duniya main her tarha k log hote hain...achay bhi aur buray bhi...achay to hotay he achay hain aur buray to hotay he buray hain....per ye jo acha ban'ne ka nataq kerte hain na aur un k dil kalay hotay hain wo sub se ziada khatarnak hote hain...In k katay ka koi ilaj nahi hota.... Fehmida Chaudhary 10th August 2016

Main aisi he hon.........jab saath nibhati hon to dil o jaan ki gehraiyon se....aur jab chore daiti hon to mur k bhi nahi dekhti...kyoon k mujhay pata hay main jo hon wohi dikhti b hon...jo roop behroop badalte hain wo is k adi hotay hain kabhi bhi kahin bhi naya mask laga k ajate hain ...main anokhi nahi hon duniya main .... per main un jesi bhi nahi...... Fehmida Chaudhary  10th august 2016

Maine zindagi main wo dukh bhi uthaye jo kabhi soche bhi na thay... Apnay hissay k dukh ki to baat alag hay...maine dosron k dukh bhi uthaye hain... mujhay nahi maloom mene aisa kyoon kia per mujhay ye maloom hay k meri bari ane per un sb k chehron se nakab uter gaye....jinhon ne apnay dukh mujhay daan kiye thay ....  Intizaar mout jesa hota hay...aisa suna tha....per ye us jaisa nahi...ye mout he hay... aur ab mout k daahanay per khari main....mayoosi se daldal main dhans chuki hon...mujhay lafazi se chir hay....mujhay alfaz moam nahi kerte...main kabhi bhi priority nahi rahi...mujhay jhoot se ...jhoote wadon se chir hay....aise log mere dil se uter jate hain... dil se uter jane main AUR dil se nikal jane main farq hota hay....bohat bara farq.... dil se uter janay wala dil se nikal bhi jata hay....aisa zaroori nahi....dil me basne wale aasaib ki terha hote hain...chimat k he reh jate hain ...dil k sath...zindagi k saath... Maine ye dekha hay k paisa itni bari taqat h

Janay zindagi hay k koi tawaifzadi hay....? ithlati hay ....itrati hay...naz dekhati hay apni taraf bulati hay.... aur phir jab dil bher jaye  to ruth bhi jati hay.... Fehmida Chaudhary 31/july /2016

Main apko hans hans k dekhaon tou..... Chup chup k roo roo k ankhain sujhaon tou.... Chup rahon aur kuch bhi na kahon.... mehsoos kerwaon se mujhay kisi chez se farq nahi parta.... Koi dil dukhaye ya rulaye.... Mujhay kuch nahi hota.... Main sub mehsoos ker k bhi zahir ye kerti hon K Main behiss si bandi hun.... Laikin Mera dil... Mera dil Zaar zaar rota hay.... Baar Baar rota hay.... Written by Fehmida Chaudhary 27 july 2016

Kitna pareshan thi na main is se chutkaray k liye ...ye ghum bojh thay meray lilye ... Aur main kitna bechain thi k ye ghum kab meri jaan chorain gay....Bohat bezaar ho gai thi main ....Aur phir jab sub ne saath chore dia tou........ Wohi ghum jo bojh lagte thay mujhay .... Aik aik ker k tasalli detay rahay.... Her ghum ne mujhay samjhaya k jab aik aik ker k sub saath chore gaye to aik aik ker k her ghum bhi mit jaye ga....Kabhi na kabhi....per aisa hoga zaroor..... Ye duniya faani hay....yahan mustaqil koi chez nahi ....na khushi ....na ghum....na humsafar na humdum...Jinko hum sahara samajhte hain .....wohi hamain besahara ker daite hain.....Aur jise hum chutkara hasil kerna chahte hain tou wohi jism ko ...jaan ko sahara de jate hain..... Ye ghum bhi bohat ghum'khawar hain meray..... keh.... Mera ghum he akhir mere kaam aya.... Meray ghum jisne bhi bante hon kabhi..... Wo aye aur amanat meri, wapis kerde.... (FC) Written by Fehmida Chaudhary

Usey rangon se pyar tha gehray shoakh rangon se ... phool chahe wo konsay bhi hon us k dil ko bohat bhataay thay....hathon me motiyon k gajray pehnay ki khawish bhi rakhti thi....shairi perhna aur likhnay ka bhi chaghaaf rakhti thi....tanhai se khauf khati thi...andhera usay khaufzada ker daita tha.... titliyon k pechay bhaga kerti thi wo bachpan main... per kabhi unhain pakernay ki jurat nahi ki us ne .... usay in titliyon ka urna  pasand tha....azad idher se udher rangeen phirti titliyan .....Baaz dafa aisa bhi hota wo ankhain mond ker khud ko titli samajhti aur khuli hawa main uraan bhar ker khud ko mehzooz kerti .... Ajab he pagal pan k shauq thay us k.... usay ghar bananay aur sajane ka shauq tha.... bachpan main jab mitti k gharonday banati aur wo toot jatay to wo roya kerti ... us k ghar ki kachi mitti ki kiyariyan aj bhi usko yaad dilati .... wo chotay chotay chozay jo maa se zid ker k bachpan me wo lia kerti thi .... rooi k galon ki terha k pyare pyare murgi k bachay ....p

Agar kisi shaks ko apni kisi baat pe fakhr mehsoos hota hay aur us fakhr ko koi uska garoor samajh k ....zid samajh k ....wo zid ...wo garoor tor dalta hay to ....agr phir bhi wo fakhr kernay wala khamosh hay... to samajh jao ab ki baar baat maufi ki haad se bohat agay ki hay....sabr aur khamoshi he asal me bohat bari cheikh hay.... in cheikhon ko dabany wale laakh daba lainge per wo jo sub dekhta hay ... wo insaaf bhi kerta hay ...  Kisi k dil ko veeraniyon ka raasta banane walay sakoon ka sans kb lay sakte hain...??? Fehmida Chaudhary  30th Juen 2016

Aurat ko khail samajhne walay mard ya to maazi main kisi aurat k hathon chot khaye howay hotay hain yaa unki jins ka zoam unhain khilari bna k unki mardangi ko khiraaj e tehseen bakhshane ka zarya bn jata hay... Aik aurat mohabat main sb bardast kerti hay....galti na honay per maufi mang sakti hay...bure se bura salooq bardast ker sakti hay...bhooki reh sakti hay....do kapray main guzara ker sakti hay...per jab baat uski izzat pe harf anay ki ho to wo IZZAT ko tarjeeh deti hay... apni aana ko her rishtay k liye soli cherhanay wali aurat jab tak he kisi mard ki izzat ker sakti hay jab tak wo usey izzat de...agar izzat pe harf aney lage to wo mohabat ki janib jane walay her darwaza khud apnay hathon se band ker deti hay....kyoon k mohabat to aik khushboo hay aur jab ye khushboo badboo me badalne lagti hay to ye qabil e nafrat  ho jati hay... aur dafaan howi cheizon ko hum bhool he jata kertay hain na Fehmida Chaudhary 30th June 2016  

Her phool ki qismat me kahan naaz e uroosa'n... Kuch phool to khilte he mazaron k liye hain... Maa kehti thi main us k gulistan ka mehekta howa phool hon...Agr main chun sakti k konsa phool to main naaz e uroosa'n k bajaye mazar ka phool ban'na pasand karonge...Kyoon k shab e uroosa'n tak he zindagi hay us phool ki jo saij ka muqadar banay... Main mazar ka phool ban ker kai roz tak majawer ban k rehna pasand karongi...wo phool jo log dil ki manat pori kernay k liye. nichawar kerte hain ... un phoolon main unki umeed...aaass. aetibar,,,,sb kuch hota hay... Fehmida Chaudhary 28th June 2016

Jo log jeetne k aadi nahi hotay na...wo jeeti howi baazi bhi haar detay hain....Wo jeetnay ki khushi se ziada,,,, hamaisha ki tarah kho denay ke khauf se nidhaal rehte hain....asaab shakista mizaaj berham...un k mizaj jese bhi hon...wo  cheen'ne k aadi nahi hotay...aapna ap luta detay hain un per bhi jo unhain loat chukay hotay hain.... Shayad duniya ki nazar main mein aik haara howa insan hon per maine ik shaks ko jeeta hay....aapne apko kho ker....maine zindagi harte howe guzari per mujhay is haar ne jeetwa deya hay....meri ye haar mujhay JEET ki manind aziz hay..... HAAN MAIN HAAR K JEETI HON..... Fehmida Chaudhary 28th June 2016

Barish ki pehli boond jab pyasi zameen pe parti hay tab uski sairaab honay ki hasrat pori hoti hay...per wo hasrat jo chand lamhon k liye pori hoti hay...kia sairaab hona ubd tak mumkin nahi... ye mohabat bhi barish ki manind he hay....boond boond milti hay to sairaab ho ker bhi insaan tishna he mehsoos kerta hay khud ko... Barish aur mohabat ka mail ho to tan bhi sairaab aur maan bhi.... Written by Fehmida Chaudhary 28th June 2016

Log kehte thay wo meray kadmon ki khaak bhi nahi....per maine khaak ko sona bana k rakha tha.....chamak ker usne subse pehlay mera wajood aur phir mera ashyana he jala dia... Written by :Fehmida Chaudhary 17th May 2016

Kehte hain jiska kam usi ko saajhay....maslun agr aik surgeon ko hum joootay seenay ko dedain aur aik mochi ko kisi ka operation kernay ko keh dain ....result to hamain pata he hay na kia hoga...kisi bhi cheiz ki problem ko solve kernay k liye hamain us k baray main proper knowledge darkaar hoti hay... bilkul isi terha agar aik kumgoh insan ko ap khamosh bethne k liye kahain to wo ghanton khamosh beth sakta hay...per agar bohat bolnay wala insan ho to usko ye duniya ka mushkil tareen kam lagay ga... aur isi terha choti choti baton main apni khushi dhondnay walay logon ko jab bari bari baat pe muh band rakh ker hasna perta hay na tab wo khushyan ghum ki dhairian banti hain aur ahishta ahista sanglaakh chatano main tabdeel ho jati hain... Haan wo bhi yuk dam patherili nahi howi thi...aik umr kati thi usne tanha laq o duk  veeranay main aistadaah chatano ki manind...sard o garm sahi thi...aziat k pani se sairaab howi thi wo...ghumon ki tapti dhoop ne usey jala k kundan banaya tha..

Ye jo din main aksar qeh'qahay laga k hasne wale log hotay hain na... Unki khamosh siskiyaan raat k andharon main  un k he jism ki khali devaroon se lipat lipat ker roti hain.... Written by Fehmida Chaudhary 6th June 2016

Aurat main Allah ne bohat bardasht rakhi hay...Wo mohabat aur tawajah k badlay main baray se bari mushkilat ka samna bhi ker laiti hay aur bardasht bhi ...Uff nahi kerti.... per jab kisi moqay per wo ye kahay k BUS AB AUR NAHI....tou iska matlab hay k wo apni bardast se ziada seh chuki hay aur ab mazeed ki na us k dil main gunjaish hay na zindagi main..... "Tumharay liye kuch bhi " se lay ker "BUS" tak ka safar yaqeen mano  ye beech ka arsa  usne nahi guzara hota.... US WAQT NE USAY GUZARZA HOTA HAY... Writtten by :Fehmida Chaudhary 5th June 2016

Haan main bohat pachtati hon Ab jab k maine apne apko pather ker lia hay... Ab jab koi umeed , koi aass ki konpal mujhay matwajah nahi kerti Ab jab koi bhi raang meri veran ankhon main rang nahi bherta Ab jab main her jazba soli cherha bethi hon.... Mujhay pachtawa hota hay.... Us waqt per  jab jab maine kisi ka ahsas kia jab jab maine kisi ko pyar dia aur jin jin per apna jeevan tak war dia Haan main us waqt ko akser roti hon... Pachtaway ka ahsaas mujhay ghanton rulata hay.... Written : Fehmida Chaudhary 5th June 2016

Meri aziat pasandi tou dekho Keh Meri zindagi ki  sub se bari khawahish ye hay keh.... Koi mujhay taptay raigistaan main paani ko tarastay  piyasay ki terha mangay... Aur  Main boond boond usko milon... Aur wo meri qadr jane... Written by Fehmida Chaudhary 25th May 2016

Aik aurat makan ko ghar bananay main kitne jatun kerti hay...Apna khoon e jigar pilati hay...Khawahishon k chotay chotay maqbaray apnay dil main bananti hay aur us per sabr aur bardasht ki chadder cherhati hay... Us k jism ka room room dua kerta hay us ashyanay ki salamti k liye... Aur apni itni mehnat aur riyazat k bawajood bhi der o devar ki bunyaad hila di jaye tou wo be yaqeeni aur durd k sagar main dafan ho jati hay.... Zinda dergour ho jane wala ye ahsaas uski saari hisyaat saath le jata hay....aur phir wo bejaan dhancha ban ker reh jati hay... Written by Fehmida Chaudhary 25th May 2016

Kia kabhi sookhi lakri ko tumne sulagh ker rakh hotay dekha hay??? Haan Bilkul wese he... Maine zindagi guzari hay.... Written by Fehmida Chaudhary 25 May 2016

Ae mere Rab nahi hay koi shikayat mujhay....ranj milay, dukh milay, bewafai mili, ruswai mili....sub kuch hay manzoor mujhay.... Bus Tu kabhi  to befiker neend ki devi ko mujh per meherban ker de.... Fehmida Chaudhary 25th May 2016

Kisne kaha k aziat pasand hon main?.......Zehrelay alfaaz likhti hon ..........K yehi zeher nishtaar ban ker.....Mere jism k zeher ko .....alfaz ka zeher he mare ga Fehmida Chaudhary 18th May 2016

Aurat ko apni aulad duniya ki her cheiz se ziada azeez hoti hay...Aur us aulad ki pait ki aag bujhane k liye jab wo apni izzat ko daow pe nahi lagati to ye kaise mumkin hay k jism ki bhook ko mitane k liye wo apne imaan ko daow per laga de... Nafs k ghoray ka sawar gir sakta hay per zameer aur aeman k paon kabhi bhi aabla paa hotay hain na choat khate hain.... Fehmida Chaudhary 18th May 2016

Log kehtay hain k wo zindagi se haar gai thi jab he usne moat ko galay laga lia tha....per sach to ye tha k..... wo jism me phaili howi raag o nass me basay ....sachai aur khaloos ....ko zeher de k marna chahte thi....per mar khud ....WO gai....  Fehmida Chaudhary 16th May 2016

Wo log jo mohabat bhi ahsan samajh ker kertay hain na wo kamyaab businessman hotay hain...Hamari dukhti raag per he unki nazar hoti hay....nuqsan ka sauda nahi kertay kabhi ye log....per wo jo dil ki sab se unchi masand per unki zaat ka but humnain nasb kia hota hay na ...wo mujisma dharaam se gir k chakna chor ho jata hay.... Ahsan jatanay walay pyar bhi jataah jataah k dete hain.... Aap ki jin Kamzooriyon ko log nishana bana ker apko let down kertay hain...wohi jab pyar kernay walay k muh se nikle to ...aisa mehsoos hota hay ab tak hum jisay masiha samajh rahay thay usne zakhm see k akhir main mirchain chiraak di hon... Fehmida Chaudhary 16th May 2016

Na janay kyoon hamaisha aisa hota hay....zindagi k exam main meri full tyari hoti hay... main her topic samajhti hon...sahi aur galat ka farq bhi mujhay maloom hota hay....kis dukh ko zabt se bardasht kerna hay...kis dukh pe khul k rona hay.....Kahan hans k dekhana hay...kahan pe khilkhilana hay....Kab kahan kis se milna hay...kis se fasla barutna hay.... magar phir bhi na jaanay kyoon ? total numberon main say hasil numberon ko jab taqseem kerti hon... NATEEJA SIFER REHTA HAY.... Fehmida Chaudhary 13th May 2016

Suno  Main mar to jaon ger mujhko ye tasall'li de koi.... koi to dil se royega mujhay mere bad...... Fehmida Chaudhary 13th May 2016

Alhumdullilah main musalman hon....per kabhi kabhi na jane kyoon aisa lagta hay k main zindagi k saath  SAT'TI ker di gai hon....  Fehmida Chaudhary 13th May 2016

Misaal apni to hay us darakht ki keh jisay Laga jo sang to badle main phaal giranay laga Bar bar choray janay ka dukh insaan ko is qadr pather bana deta hay k aik waqt aisa ata hay jab us pather main chattan ki si bahaduri ajati hay aur uska tanha reh janay ka khauf bhi kamzoor per jata hay.....  Fehmida Chaudhary 12th May 2016

Jis terha koi khanay ki cheiz dino tak pari rahay to us pe phaa'pound lag jati hay....usi terha mere ahsaasat, jazbaat aur mohabat bhi phaa'pound zada ho gaye hain.... Kharab cheizain to phaink di jati hain.... Per main kahan  phainkon?? Phaa'pound zada mohabat Phaa'pound zada ahsaasat Phaa'pound zada  jazbaat...... kahin na phainki to ye to mere jism o jaan ko bhi gaalaa de ga......khatum ker de ga Fehmida Chaudhary 07/05/2016

Jisko jitna moqa mila wohi noch noch kha gaya mujhko...meri apni soch...meri apni marzi....meri pasand napasand...Hatah keh meri he zindagi pay mera bus nahi chalta....Zindagi k her mor per pabandiyon aur zanjeeron se jakra gaya mera wajood aur meri rooh ko taar taar ker dia gaya.... Mera qasoor kia tha?  Wafa, Khaloos, Sachai.... Per meray irdgird munafqat k pairokaar thay aur apni zaat ki parustish kernay walay onchay lambay dekhnay walay....bonay log... Log kuch bhi kahain per maine to yehi dekha hay k jab Allah hamain apnay se qareeb kerna chahta hay na to duniya hamain dhutkarne lagti hay aur hum dikhaway ki mohabat aur mohabat k jhoote dawaydaron ko pehchan ker Allah ki beloos mohabat ki qadr jaan jate hain....Aur RAB k qareeb ho jate hain k jab her koi hamain chor deta hay to tb bhi mera RAB nahi chorta.... Meri halat us tissue paper ki manind hay jo her gandgi saaf kernay k liye istimal hota hay...jab tissue paper apnay ander sb jazb ker laita hay....to wo khu

عورت ہمیشہ دو  ہی چیزوں کی خواہش کرتی ہے .... محبت  اور  عزت   یہ دونو ں چیزیں  اسے نہ تو قسط وار چاہیے ہوتی ہیں نہ ہی  ایک  کے بعد ایک ....ان دونو ں چیزوں کا مرکب چاہیے عورت کو .... اگر کہیں کسی موڑ  پر مرد یہ سمجھے کہ محبت میں عزت داؤ  پر لگا دینے والی عورت واقیاطاً  عزت دار  ہے تو یہ اس کی خوش فہمی ہی ہے .... Aurat hamaisha do he cheizon ki khawahish kerti hay... Mohabat Aur Izzat ye dono cheizain usay na to qistwar chaheye hoti hain na he aik k bad aik....in dono cheizon ka combination chaheye hota aurat ko... Agar kahin kisi mor pe mard ye samjhay k mohabat me izzat daow pe laga deni wali aurat waqiyatun izzat dar hoti hay to ye us  ki khushfehmi he hay...kyoon k jo Allah se nahi derta wo ap k der se apnay apko bura kam kernay se kese rok sakta hay... Na janay kyoon ye society aise he mardon se bhari pari hay jo aurat k kirdar ko toaltay hain .... aur isi taul phoal main wo dil se utar jatay hain.... aur dil se jate jate ankhon ki bachi kuchi

Aur wo mohabat jisko main apnay wajood ka satoon bna k jis k saharay khari thi....wohi mohabat meri jism ko demak zada ker k ander he ander se khokhala ker gai... aur jab main khokhaly wajood samait charon shanay ch'at muh k bal giri to phir kabhi bhi na uth saki... Fehmida Chaudhary 28th April 2016

مجھے یہ اساس محبت کیا کم ہے کہ میں نے اپنے سے جڑے ؛لوگوں سے محبت کی اور میں جب جب پکاری گئی ، نفرت سے پکاری گئی . Mujhay ye ass'sa'sa e mohabat kia kam hay k maine apnay se juray logon se mohabat ki aur main jab jab pukari gaye.... nafrat se pukari gai... تم نے ہر ایک سے نبھائی ہے  مجھ سے الفت میں کیا برائی ہے  Tumne her aik se nibhai hay MUJHSE ulfat main kia burai hay? تم ہو جھوٹے اسی لئے شاید تم نے سچ کی ہنسی اڑائ ہے Tum ho jhootay isi liye shayad Tumne sach ki hansi urai hay کتنی برہم ہے ہم سے یہ دنیا اسکی قربت جو ہم نے پائی ہے Kitni barham hay humse ye duniya uski qurbat jo humne pai hay یاد میں اسکی رونے والوں دل میں ایک آگ سی لگائی ہے Yaad main uski ronay walon Dil main aik aag si lagai hay خلقت اے شہر سے کوئی پوچھے مجھ سے بیزار کیوں خدائی ہے khalqat e sheher se koi pochay Mujhse bezaar kyoon khudai hay جھوٹ ہوگی وہ بات اے گڑیا مرے دشمن نے جو اڑائ ہے Jhoot hogi wo baat ae guriya Meray dushman nay jo urai hay

جب  تک اپنے ہونے کا احساس خود ہمیں ہے نہیں ہوتا تو اپنے ارد گرد کی ساری چیزیں بے معنی اور بے وجود سی لگتی ہیں ...اور جوں جوں اپنے ہونے کا احساس دل کی بنجر زمین پہ ایک کونپل کی مانند پھوٹنے لگتا ہے....تب تب زندگی رنگین اور با معنی لگنے لگتی ہے .... مجھے میرے ہونے کا احساس دلا دونا  مجھے بھی رنگوں سے بہت پیار ہے... Jab tak apnay honay ka ahsaas khud hamain he nahi hota to apnay ird gird ki sari cheizain be mani aur be wajood c lagti hain... aur jon jon apnay honay ka ahsaas dil ki banjar zameen pay ik konpal ki manind photne lagta hay....tb tb  zindagi rangeen aur ba manni lagnay lagti hay... Mujhay mere honay ka ahsaas dila do na.... Mujhay b rangon se bohat pyar hay.... Fehmida Chaudhary 17 April 2016

سانپ کی سی فطرت اور ذات کے کتے مرد  Sanp ki c fitrat aur zaat k kuttay mard..............

کچھ لوگ ایک اسٹیج پر آ  کے ہماری نفرت کے قابل بھی نہیں رہتے ....کیوں کہ ان کے غلیظ ذھن کچرے کے ڈرم سے زیادہ بدبودار ہوتے ہیں..... ایسے لوگوں کے لئے دل سے یہی نکلتا ہے کے جب انکی موت آے  تو سانس اٹک کے رہ جائے اور وو زندگی موت کی کشمکش میں جو درد سہیں تو درد آشنا ہو سکیں ....تھو ہے ...تھو ہے... Kuch log aik stage pe a k hamari nafrat k kabil bhi nahi rehtay...kyoon k un k ghaleez zehan kachray k drum se ziada bdbodaar hotay hain...Aise logon k liye dil se yehi nikalta hay k jab inki moat aye to sans atak k reh jaye aur wo zindagi moat ki kashmakush main jo durd sahain to durd ashna ho sakain... thooo hai.......thoo hai...... 

Haan magar zindagi to rawa dawan rahay gi na...kab kon kisi ki khatir rukta hay...sb daway hain bekaar say....ehad paimaan....wada kuch nahi hota ....ye wo naa deeda zanjeerain hain jo waqti tor per insan ko black mail kernay k liiye hotii hain...koi kia janay k rishta koi bhi ho...her chahat he zakhm deti hay....so tmhari chahat konsa sub se sawa thi...wo bhi ander tak tor gai mujhko...ab na raiza raiza jurnay ka imkan hay na he yaqeen kisi per ....sochti hon tumhain aik baar to btaon keh zakhm kitnay teri chahat nay diye hain mujhko.... per chal chor ................janay de....... ja chor ja mujhay meray haal per... mujhay khud apnay aap pe muskuranay de..... ab sub kuch mujhko bhoool janay de..... Fehmida Chaudhary 16th March 2016

Kuch rishte kuch taaluq zakmoon ki terha hotayhain...jo hamaisha takleef ka bais he hotay hain...is se pehlay keh ye zakhm nasoor ban jaye ... aisay taaluq ko foran se paishter khud se alag ker daina chaheye... Tumhara aur mera taaluq bhi zakhm bn chuka hay...aur ab nasoor main shamil honay wala hay..is say pehlay k ye nasoor boo denay lagy aur aik waqt aisa aye k is rishte main keray he keray per jain...Ao is se pehlay k kuch yaadgaar lamhoon ki khushboo bhi in nasooron ki badboo se khatum ho jain...hum apnay rastay badal lain...is ehad k saath k ab k tajdeed e wafa ka nahi imkaan jannah... Fehmida Chaudhary 16th March 2016

Puranay zamanay main maa baap apnay hathon se khud apni betiyon ko mitti may dafan ker k beperwah ho k gharon ko chalay jatay thay....itminan ki neend sotay thay....tamam tafakurat se azad ho jatay thay.... Log kitna bhi kahain k ye jaheelana rasm thi ya ye zalimana rasm thi....per mujhay ye rasm bht achi lagti hay....chaheye koi kitna bhi kahay k ye buri rasm thi aur hay.... Shayad wo is bat se aagaah thay k roz roz k marne se bht behtar hota hay aik he bar marna.... Fehmida Chaudhary 11th March 2016

Kehtay hain jab takleef ki shidat bardasht se ziada berh jaye to insaan apnay apko majbor lachaar aur bebas mehsoos kerta hay aur isi bebasi k aalam may agar wo dil se Allah ko pukarta hay to wo pehli awaz per he apni rehmat k der us per waa ker deta hay... Aur ye lamha jab k khaliq e duniya...Rab e kainaaat pori tawajooh se hamari baat sunta hay to us lamhay ko zaya kernay k bajaye us se faida uthana chahiye...Aur...pori khaloos e niyaat k saath US k hazoor rujooh kerna chahiye...WO bara he raheem hay...Rujooh kerna shart hay ... wo bhi khaloos e dil k saatha aur is ahad k saathe bhi k her achay buray waqt may USKO hamaisha yaad rakho gay,,,USKI pukaar per doray chalay aogay....Us se maang k dekho kabhi bhi koi dua rad nahi hogi..Jo cheiz tum baraey rast apnay RAB se mango gay wo kisi aur se mang k khud ko mushkilon main mat dalo kyoon k kissi ko dua may sahara banana khud USKO bhi napasand hay...aur wo to insan ki apni shah raag se bhi nazdeek hay na.... Fehmida Chaudhary....

Mohabat ko tersay howay loag hamaisha nafrat k mustahiq he kyoon hotay hain? Tersay howay logon ko to seerab kia jata hay na...na k unki ankhon tak ki nami ko nachore lia jaye takleef de de k ....aik bond bhi na chori jaye un k jism main....jo ronay ki koshish main ankhon ko nam he ker day.... Ye jo mohabat k tersey howay loag hotay hain na ...inko ap gaur se dekhain to inki ankhon main dukh ka samandur sakit hota hay....per hont hamaisha muskurate he rehte hain... ye muskurahat unki khushyon ka pata nhi deti ...balkay ye to un ghamon ko is parday tale chupanay ka ik zarya hain....Ye wo loag hotay hain jo ik zara c tawajoo ....zara se pyar k badlay ap per jan luta dain gay... aur phir ap bad main unse jitna bura salook bhi kerlo ye hamaisha ap k he rahain gay....apki aik choti c mohabat ki bheek k aewaz ye apni Aana ....apna Aap  ap k pass girwi rakhwa dete hain.... ye masoomiat inhain bohat bhari perti hay....bohat mehngi...per ye lutay howay log kashkool me pari kisi ki zara c mo

Maa tera kehna yaad hay mujhko... bulbul c chehakti ... chanda si chamakti... ye meri beti,,,,hay kitni pyari... sitara ankhain...damakta chehra... hain baal lambhay aur naak sit'waan, rang hay sunera... moam sa dil tha ... chalay jesay GURIYA.... Main thi teri rani... main thi teri jaan Tu kehti thi na maa k meri hansi hay jese mandir me ghantiyaan baj rahi hon... main bolon to goya kalyan gulistan main chatakh rahi hon... Maa teray qaseeday mujhay yaad aain.... jab ankh naam hon to yaadain se akser hont muskura jaain.... Maa wo teri mamta....wo teri pyar bhari ankhain...... Kahan se laon? Kahan pe dhondhon.... Apna nishan nahi milta hay mujhko.... Maa tu aaja....mujhay bhi lay ja... Mera man yahan pe lagta nahi hay... Koi darwaza khushi ka khulta nahi hay... Her shaks yahan pe fankaar bht hay... Faraibi hay duniya....aetibar k kabil nahi hay... Achai k libaday main shaitaan phirte hain... jisay apna samjho wohi raahzun hay... Maa ye kesi hay duniya.

Log kehte hain k Intizaar moat jesa hay per hamain to Moat ka intizaar hay.... Fehmida Chaudhary 6th feb 2016

Ajab he aziat pasand hon na main... logon ko mujhay azmah k khushi milti hay aur mujhay unki azmaish k paimanay aur tareeqon per hansi anay k bajaye rona aata hay...un k azmaish k jaal ko main unki soch k mutabiq  bhar deti hon ...khawah us k nateejay main mujhay aziat k gehray konwain may he kyoon na kodna par jaye...Kabhi mujhay apnay is pagal pan se khauf ata tha ...aur ... ab main is khauf ko apnay kadmon talay kuchal chuki hon... Logon ki nazar main shayad main bahadur hun... per wo nahi janate........ ye aziat pasandi hay... meri zaat main... Fehmida Chaudhary 6th february 2016

Kisi ki khamoshi ko uski kamzoori samajh k kabhi nazar andaz na kerna...kyoon k ye jo hath utha utha k badduain detay hain ye itnay khaternak nahi hotay jitnay sabr kernay aur pee janay walay log hotay hain...Insan to insan ko dukh de k bhool jata hay per wo jo zaat hay na sathvain asman per wo aik aik zulm aik aik bat yaad bhi rakhta hay aur hisab bhi leta hay...ye jo meri ankhon main aik samander khushak howa hay na ansoon ka ye kabhi chashmay ki manind phootay ga tmhari ankhon se ...kyoon k rulanay walay khud bhi kabhi khush nahi reh saktay ...wo jawabday hain apnay her amal k .. Tum samajhtay ho wo bahadur hogai hay...per bahaduri aur behissi main zameen asman ka farq hay piyare....wo seh janay k fun main taq ho chuki hay... aur hissiyat k sare jazeeray ab khushk ho chukay hain .. uski sehra aur banjar dil ki zameen ab na pyar ki barish se seerab hoti hay na he nafrat ki aag uski surdmohri ko garma k phigla sakti hay....kyoon k wo ander se mar chuki hay. Fehmida Chaudhary 15

Ae aainay main dikhnay wali moorat... Haan suno tum...mere samnay jo ye chehra hay mujhay is say shadeed nafrat hay...itni nafrat k tamam umer main is ko aziat ponchati rahi per dil ko qarar aur sakoon phir bhi nahi milta...mujhay nahi maloom ye nafrat kb mere saath saath parwan cherhti rahi ... Lakh chaha k samjhota kerlon per dil is bat per bhi razamand nahi...is chehray say ziada mujhay iski sach ugalati zuban se nafrat hay...Mere bas may ho to may duniya ki her aik saza iska muqadar kerdon...isay be chehra kerdon...per ye bhi kam saza hogi iski....mout se kam nhi honi chaheye iski saza... 7th January 2016 Fehmida Chaudhary

Zindagi Allah ki taraf say Baneh-e-Noh k liay aik anmol tohfa hay ..Zindagi k do aham juz zindagi ki haqeeqaton so samajhnay aur in say kuch seekhnay k amal ko taiz kertay hain.. Wo do aham juz hain TAREEF aur TUNQEED… Aj k is khudpasand muashray mae TAREEF kernay walay bohat kam aur TUNKEED NIGAR ziada hain… Hum achay ko acha kehnay say ghubratay hain aur Buray ko budtareen kehnay k liay aey-re choti ka zor laga daitay hain… Hum tunqeed barai tunqeed to kertay hain laikin tunqeed barai Islah per gor nahi kertay…. Muashray ko bura to kehtay hain laikin usay sudharnay k liay khud pehla qadam nahi berhatay.. Hum insan, insano say to dertay hain laikin Us say nahi dertay to Hum sub ka malik hay… Hum kisi per ungli uthatay huway ye nahi sochtay k baqi unglian hamari apni taraf hi hain… Hum mulq k huqmarano aur nizam k baray mae ghunton beth ker tunqeed to ker suktay hain laikin khud koi aisa mayari kam nahi ker suktay jo is mulq ko taruqi ki rah per gamzun ker sukay… Hum kuch aur nahi to

Khud aziati bhi aik terha ka ahtasaab department hay... per khud aziat pasand log bohat masoom log hotay hain ....ye jab kisi ka kuch nahi bigar saktay to ye khud ko he saza detay hain... k ye kam duniya ka sub se asan kam hay...apna ap apnay bas main to hay...is k liye hum kisi ko jawabday bhi nahi hotay....Logon ki nazar main shayad ye buzdili ho magar der haqiqat ye duniya  k sub se bahadur log hotay hain to apnay ap ko kasoorwar mantay hain ...Ajj kal k dor main itna bahadur kon hay jo apnay ap ko galat kahay...yahan to log ker k mukar jatay hain...be qasoor ko saza war tehrate hain aur qasoorwar ko be gunnah....ajeeb he nizam hay ye.... Mujhay us k qasoor bhi saray pata thay aur dil saza dene ko kerta tha na he baddua dene ko....Maine khudko aziat dene ka irada kerlia ... Khamoshi ikhtiar ker k ... be zubani ki bhi to aik apni he zuban hoti hay...  aur ye zuban Allah k pass jab jati hay to phir khud he saaray hisab kitab dene par jatay hain... per yahan bhi maine sabr ka daman

Agar kisi k jagtay rehnay say muqadar jag jatay tou... Yaqeen mano.... Hum bhi muqadar k sikander ban gaye hotay.... Fehmida Chaudhary 5th January 2016

Kanch jaisa nazuk dil rakhnay wali jab toot k bikhri to phir uski kirchiyan kabhi yakja na ho paen...wo hath jo usey tor gaye thay un hathon ko wo kese na pechan pati...un hathon ki lakiron main kahin dhundli ki lakeer uskay nam ki thi... Dukh ki ghari ye nahi thi k wo shanasa hath thay...dukh to ye tha k choat to usay bhi ai hogi.... Fehmida Chaudhary 5th January 2016